शिक्षक संगठन हेटौँडाको शिक्षक हाजिरीजवाफमा बाल बोध प्रथम

२१ असार, हेटौंडा। नेपाल राष्ट्रिय शिक्षक सङ्गठन हेटौंडा उपमहानगरपालिका समितिको आयाेजित शिक्षक सम्मान तथा हाजिरीजवाफ प्रतियोगिताको आयोजना गरिएको छ। 
शुक्रबार हेटौंडा ८ स्थित चन्द्रोदय माध्यमिक विद्यालयमा आयोजित प्रतियोगितामाहाजिरीजवाफ प्रतियोगितामा बालबाेध मावि हेटौंडा -१७ प्रथम, लक्ष्मी आ.वि , हेटौंडा -५ द्वितीय र जनज्योति मावि हेटौंडा -१४ तृतिय स्थान हासिल गरेको थियो।
प्रतियोगितामा प्रथम, द्वितीय र तृतीय स्थान हासिल गर्नेलाई क्रमशः ५ हजार, ४ हजार र ३ हजार मेडल र प्रमाणपत्र प्रदान गरिएको थियो। 
 संगठन नगर अध्यक्ष श्री कृष्ण प्रसाद पोखरेलको सभाध्यक्षतामा सम्पना कार्यक्रममा नेपाल राष्ट्रिय शिक्षक सङ्गठनको १४ औ राष्ट्रिय महाधिबेशनमा मकवानपुर जिल्लाको प्रतिनिधित्व गर्दै संगठन केन्द्रीय उप-महासचिव पदमा निर्वाचित भएका श्रीराम दाहाललाई स्वागत तथा सम्मान गरिएको थियो। कार्यक्रममा बाग्मती प्रदेश समितिका कोषाध्यक्ष श्री लक्ष्मी चौलागाइ, मकवानपुर जिल्ला अध्यक्ष श्री मुकुन्द न्यौपाने, बागमती प्रदेश सदस्य श्री  सुनिल गौतम, लक्ष्मी प्याकुरेल र बालकुमार श्रेष्ठ, जिल्ला कोषाध्यक्ष  भावना सपकोटा,  सहसचिब सबिता लामिछाने, संगठन जिल्ला सदस्यहरु सावित्री अधिकारी, बिमल दाहल, देवराज शर्मा, श्री चन्द्रोदय माध्यमिक विद्यालयका प्रधानाध्यापक श्री जिघराज ढकाल र साहित्य संगम मकवानपुरका अध्यक्ष  डि. बि. बर्तौलाको आतिथ्यता रहेको थियो। ।
संगठन नगर सचिब श्री चिरन्जिवी घिमिरेले संचालन गरेको कार्यक्रममा  हेटौंडा उपमहानगरपालिका भित्रका माध्यमिक तथा आधारभुत तहका २२ वटा विद्यालयको सहभागी रहेको थियो ।