बनस्पती घटनामा संलग्न ११ जनालाई सार्वजनिक मुद्धा

१९ फागुन , हेटौँडा । फागुन १७ गते बिहिबार राति होलीेको दिन हेटौँडा १३ बनस्पती चोकमा रहेको सामुदायिक प्रहरी सेवा उप केन्द्र तोडफोड गर्ने प्रहरीसंग भएको झडपका संलग्न भई प्रक्राउ पर्ने ११ जनालाई सार्वजनिक मुद्धा चलाई ६ दिनको म्याद थप गरी अनुसन्धान थालिएको छ । जिल्ला प्रहरी कार्यालय मकवानपुरका अनुसार प्रक्राउ परेका हेटौँडा उपमहानगरपालिका वडा नम्बर १३ बस्ने वर्ष ३० को निर बहादुर मोक्तान, वर्ष ३० को जंगे लोप्चन, वर्ष २४ को गजेन्द्र पाख्रिन, वर्ष २५ की अञ्जिता तितुङ्ग, वर्ष २४ को राजन परियार, वर्ष १७ को राज कुमार सिंतान , वर्ष १६ को अर्जुन मोक्तान, वर्ष २४ का युवराज घलान, वर्ष २० का अनिष श्रेष्ठ, वर्ष ३० का नारायण आचार्य र वर्ष १६ का राजु पाख्रिनलाई सार्वजनिक मुद्धा चलाई अनुसन्धान थालिएको जनाएको हो । त्यस्तै घटनामा संलग्न केही ब्यक्तिहरुको खोजी कार्य समेत भईरहेको प्रहरीले जनाएको छ । उनिहरुले मादक पर्दाथ सेवनगरी ईलाका प्रहरी कार्यालय पशुपतिनगरका प्रहरी निरिक्षक अनोजजंग रायमाझी सहित प्रहरी नायब निरिक्षक पदमबहादुर श्रेष्ठ, प्रहरी हवल्दार नबिन कुमार श्रेष्ठ, प्रहरी जवान प्रमोद कार्की र प्रहरी जवान जिवन क्षेत्रीलाई ढुङ्गा र रड प्रहार गरी घाईते बनाएका थिए ।