मकवानपुरको बकैयामा प्रहरीको रेड:२२ जुवाडे, ८ लाख सहित पक्राउ

२७ असार, हेटौंडा। मकवानपुर प्रहरीले मकवानपुरको बकैया गाउँपालिकामा छापामारि नगद ८ लाख सहित २२ जुवाडेलाई पक्राउ गरेको छ ।

जिल्लाको बकैया गाउँपालिका ५ राजदमारबाट हारजित हुने गरि जुवा खेली रहेको अवस्थामा नगद ८ लाख ३६ हजार सहित २२ जना जुवाडे पक्राउ परेको जिल्ला प्रहरी कार्यालय मकवानपुरले जनाएको छ।हारजित हुने गरी जुवातास खेल भइरहेको भन्ने गोप्य सुचनाको आधारमा जिल्ला प्रहरी कार्यालय मकवानपुर, इलाका प्रहरी कार्यालय फापरबारीबाट सिनियर  प्रहरी अधिकारीको कमाण्ड गएको प्रहरी टोलीले शनिबार बिहान १ बजे  बकैया गाउँपालिका ५ बस्ने मिलन थिङको घरमा जुवा खेलिरहेको भन्ने सुचनाको आधारमा नगद सहित २२ जनालाई पक्राउ गरिएको मकवानपुरका प्रहरी प्रवक्ता प्रहरी नायब उपरीक्षक श्यामु अर्यालले जानकारी दिएका छन्। 
पक्राउ पर्नेमा घरधनी मिलन थिङ सहित हेटौंडा वडा नम्बर ८,९, १६,१८ का केही व्यक्ति, सिन्धुलीको दुधौली, कमलामाई, रौतहटको बोधीमाई, गौर मकवानपुरको बागमती गाउँपालिका स्थायी ठेगाना भएका रहेको जनाइएको छ। प्रहरीले जुवा खाल बाट ३ सेट कौडा सहित आठ लाख छत्तिस हजार चालीस रुपैयाँ बरामद गरेको र घटनाको  आवश्यक अनुसन्धान भइरहेको जनाइएको छ।