मन्त्री पौडेलद्वारा आफ्नो कार्यकालका उपलब्धिहरू सार्वजनिक

५ साउन, हेटौंडा । स्वास्थ्य तथा जनसंख्या मन्त्री प्रदीप पौडेलले आफ्नो एक वर्षे कार्यकालका उपलब्धिहरू सार्वजनिक गरेका छन् ।
सोमबार मन्त्रालयमा पत्रकार सम्मेलन गरि मन्त्री पौडेलले आफ्नो एक वर्षे कार्यकालका उपलब्धिहरू सार्वजनिक गरेका हुन् ।
बजेट सीमितताबीच पनि चिकित्सा पूर्वाधारमा उल्लेख्य प्रगति भएको मन्त्री पौडेलले बताए। उनले हालसम्म ११३ आधारभूत अस्पताल निर्माण भइसकेको र १३७ निर्माणाधीन रहेको उल्लेख गर्दै उनले चालु वर्षमा २५० अस्पताल सम्पन्न हुने अपेक्षा गरिएको बताए । २५७ वडामा स्वास्थ्य केन्द्र स्थापना भइसकेको र थप २५० वडामा काम अगाडि बढाइएको उनको भनाई छ । 
उनका अनुसार स्वास्थ्य बीमा प्रणालीमा सुधार ल्याउँदै बीमितलाई ८ प्रकारका गम्भीर रोगको उपचारका लागि २ लाख रुपैयाँको सेवा उपलब्ध गराइएको छ । बीमा अवधि घटाई १ महिना बनाइएको र नवीकरण अनलाइनबाट गर्न सकिने व्यवस्था गरिएको छ ।
डेंगु, क्यान्सर, मानसिक स्वास्थ्य, विद्यालय स्वास्थ्य, योग, ध्यान लगायतका क्षेत्रमा अभियान सञ्चालन गरिएको छ । उनले १४ वर्षमुनिका बालबालिकाको क्यान्सर उपचार निःशुल्क गरिएको पत्रकार सम्मेलनमा मन्त्री पौडेलले जानकारी दिए ।