केसी,बानियाँ र लामाबिचको छलफलले कांग्रेस संसदीय दलको बैठक स्थगित

१२ साउन, हेटौंडा। बागमती प्रदेशमा नेपाली कांग्रेस संसदीय दलको नेता विरुद्धको अविश्वासको प्रस्ताव दर्ता भएपछि सोमबार आव्हान गरिएको संसदीय दलको बैठक स्थगित भएको छ। सोमबार दिउँसो १ बजे बस्ने भनिएको बैठक मंगलबार बिहान १० बजेसम्मका लागि स्थगित गरिएको संसदीय दलको कार्यालयले जनाएको छ।
मुख्यमन्त्री लामा विरुद्ध अविश्वासको प्रस्ताव दर्ता पछि  विवाद मिलाउन हेटौंडा आएका केन्द्रीय सदस्य राजेन्द्र कुमार केसी, मुख्यमन्त्री लामा र बानियाँसंगको संयुक्त छलफलपछि बैठक भोलिका लागि सारिएको स्रोतले जानकारी दिएको छ। बैठक हेटौंडा २ स्थित मुख्यमन्त्रीको सरकारी निवासमा बसेको स्रोतले जनाएको छ। 
लामा विरुद्ध कांग्रेसका २१ जना सासंदले अविश्वासको प्रस्तावका लागि हस्ताक्षर गरेरे प्रस्ताव दर्ता गरेका थिए।छलफलमा मुख्यमन्त्री लामाले आफ्ना केही संसद हेटौंडा बाहिर रहेकोले बिहान सम्मको माग भएकोले मंगलबार बिहान सम्मको लागि बैठक स्थगित गरिएको केसी स्रोतले जानकारी दिएको छ। यता बानियाँ पक्षका सांसदले भने बैठक आजै बस्नुपर्ने अडान लिएका छन्। यस विषयमा केन्द्रीय प्रतिनिधि केसी यो समाचार तयार पर्दा सम्म बानियाँ पक्षसँग छलफलमै रहेको जनाइएको छ।