एकाएक रोकियो बागमतीमा मन्त्रीहरुको नियुक्ती

१४ साउन, हेटौंडा। नेपाली कांग्रेस संसदीय दलको नेताको हैसियत गुमाएका बागमती प्रदेशका मुख्यमन्त्री बहादुर सिंह लामाले गर्न लागेको मन्त्रीमण्डल  बिस्तारको कार्यलाई नेकपा एमालेले होल्ड गराउदै ब्रेक लगाएको छ। लामाले बुधबार बिहान एका एक मन्त्रीहरुको नाम समेत टुङ्ग लगाएको केही घण्टामै एकाएक नियुक्ति  रोकिएको हो । 

बुधबार बिहान एकाएक मुख्यमन्त्री लामाले हिजो भएको अविश्वासको प्रस्तावमा सहयोग गर्ने सासंदहरुलाई मन्त्री नियुक्त गरेकामा बागमती प्रदेशमा सत्ता साझेदार दल नेकपा एमालेले प्रदेशमा मन्त्री नियुक्ति नगर्न सुझाव दिएको छ । मुख्यमन्त्री बहादुर सिंह लामाले आजै केही मन्त्री नियुक्ती गरेर शपथ गराउने तयारी गरिरहेको समयमा एमालेले दलको नेता टुङ्गो लगाएर मात्रै मन्त्री नियुक्त गर्दा ठिक हुने बताएसंगै मुख्यमन्त्री लामालाई बिस्तार कार्य रोक्न आग्रह गरेको हो। यता स्रोतले जानकारी दिए अनुसार नेकपा एमालेले शपथग्रहण रोकेको बुझिएको छ। 

यता मन्त्री नियुक्तमा नाम आएका सासंद गोविन्द लम्सालले मन्त्री नियुक्त भोली हुने प्रष्टखबरलाई जनाएका छन् । लम्सालले हिजो लामाको पक्षमा मतदान गरेका थिए। यता मुख्यमन्त्री लामाले पुनः संसदीय दलको नेताका लागि प्रदेशसभा पुगेर उम्मेदवारी दर्ता गरेका छन्।