राजिनामा नदिने बताइरहेका मुख्यमन्त्री लामा राजिनामा दिने 'मुडमा'

१६ साउन, हेटौंडा। नेपाली कांग्रेस बागमती प्रदेश संसदीय दलको नेतामा पराजित भएपछि  मुख्यमन्त्रीको पदबाट राजिनामा नदिने  बताइरहेका बागमती प्रदेशका मुख्यमन्त्री बहादुरसिंह लामाले अन्ततः पदबाट राजीनामा दिने मुडमा पुगेका छन्।
गत बुधबार संसदीय दलको नेतामा पराजित भएपछि पत्रकारसँगको छोटो अन्तरक्रियामा, नेताको पदबाट पराजित भएपनि मुख्यमन्त्रीबाट राजिनामा नदिने बताएका लामाले अब राजिनामा दिने मुडमा पुगेको उनी निकट एकजना प्रदेश सांसदले बताएका छन् ।
बिहीबार एमाले अध्यक्ष तथा प्रधानमन्त्री के पी ओली र कांग्रेस सभापति शेरबहादुर देउवाको बालुवाटारमा भएको छलफलमा समेत बागमती प्रदेशको संसदीय दलका नेता चयनको विषयले प्राथमिकता पाएपछि देउवाले मुख्यमन्त्री लामालाई काठमाडौं डाकेका थिए। 
सभापतिले बोलाए लगत्तै बिहीबार साँझै बुढानिलकण्ठस्थित देउवा  निवासमा पुगेर मुख्यमन्त्री लामाले सभापति देउवासँग भेट गरेको थिए।
देउवा र लामा बिचको वान टु वान भएको छलफलमा देउवाले लोकतान्त्रिक पद्धतिबाट दलको नेता चयन प्रक्रियालाई स्वीकारनु पर्नर भन्दै राजिनामा दिनुनै उपयुक्त हुने मुख्यमन्त्री लामालाई भनेका थिए स्रोतले उल्लेख गरेको छ। 
यता संसदीय दलका नेतामा निर्वाचित काग्रेस बागमती प्रदेशका सभापति इन्द्रबहादुर बानियाले मुख्यमन्त्री लामाले राजिनामा दिएर मार्ग प्रशस्त गर्न अनुरोध गरेका थिए।
देउवाको निर्देशनपछि शुक्रबार बिहान आफ्ना निकट सहयोगीहरूसँग सल्लाह गर्नुभएका मुख्यमन्त्री लामाले पार्टीको शीर्ष नेतृत्वको निर्देशनअनुसार अघि बढ्ने निर्णय गर्नुभएको  उनी निकट स्रोतले बताएको छ। लामा एक दुईनै हेटौंडा पुगेर पत्रकार सम्मेलन गरी पदबाट राजीनामा दिने उनी निकट सांसद तिर्थ लामाले जानकारी दिएका छन्। संसदीय दलको नेतामा लामा इन्द्रबहादुर बानियाँसंग ८ मतले पराजित भएका थिए।