शिक्षक संघ मकवानपुरको शैक्षिक तीज गीत प्रतियोगिता

१८ साउन, हेटौंडा। नेपाल शिक्षक संघ मकवानपुर महिला विभागको आयेजनामा शैक्षिक तीज गीत प्रतियोगिता शनिबार सम्पन्न भएको छ  । 

शिक्षक संघ मकवानपुरको महिला  विभाग संयोजक निर्मला तिमल्सिनाको सभाध्यक्षतामा भएको  कार्यक्रममा शिक्षक संघ बागमती प्रदेशकी महिला उपाध्यक्ष कमला थापाको प्रमुख आतिथ्यता रहेको थियो । 
शिक्षक संघ महिला विभागले तीजको अवसरमा जिल्लाका विभिन्न स्थानीय तहमा कार्यरत महिला शिक्षकहरुको प्रतिनिधित्व गर्दै शैक्षिक तीज गित प्रतियोगिताको आयोजना गर्दै दर  समेत खुवाइएको कार्यक्रम संयोजक तिमल्सिनाले बताईन ।
कार्यक्रममा शिक्षक संघ बकैयाको टोली पहिलो , संघ हेटौंडा उपमहानगरपालिकाको टोली दोस्रो र  संघ मकवानपुरगढीको टोलीले तेस्रो भएका थिए। पहिलो, दोस्रो र तेस्रो स्थान हासिल गरेको टोलीले क्रमशः नगद ५ हजार, ३ हजार र २ हजार प्राप्त गरेका छन्। 

प्रतियोगितामा वाध्यवाधनमा रोशन घिमिरे, विनोद खत्रीले सहजीकरण गरेका थिए भने गायक रामप्रसाद सापकोटा, गायिका सुनिता लुइटेल, साहित्यकार ह्याग्रिव आचार्य निर्णायकको भूमिका निर्वाह गरेका थिए। 
कार्यक्रममा हेटौडाका उप मेयर राजेश बानियाँ, संघ मकवानपुरका अध्यक्ष गणेश प्रसाद हुमागाई, बैकैया  वडा नम्बर ५ का वडाध्यक्ष लक्ष्मी जिम्बा,नेपाल शिक्षक सङ्घ मकवानपुरका पूर्व अध्यक्ष रामसागर गुरागाँई, संस्थापक अध्यक्ष रामनरेस यादव,संघ बागमती प्रदेश सदस्य स्वेता कोइराला,संघ हेटौँडा उपमहानगरपालिकाकी अध्यक्ष मन्दिरा फूँयाल लगायतले मन्तव्य व्यक्त गरेका थिए।