प्रदेश सरकार कानून बनाउँदैछ : मन्त्री जम्कट्टेल

२१ फागुन, हेटौँडा । प्रदेश नम्बर ३ का आन्तरिक मामिला तथा कानून मन्त्री शालिकराम जम्कट्टेलले प्रदेश सरकार अहिले कानून निर्माणको चरणमा रहेको बताएका छन् । टेम्पो तथा मझौला यातायात व्यवसायी संघको बार्षिक साधारणभामा बोल्दै मन्त्री जम्कट्टेलले प्रदेश सरकार गठन भएपनि कानूनविहिन अवस्थामा रहेको भन्दै कानून निर्माणको क्रममा रहेको बताए । उनले संघीय सरकारले यसमा सहयोग गर्नुपर्ने बताउँदै यसमा सोचेजस्तो सहयोग नभउको गुनासो गरे । उनले यातायात क्षेत्रको समस्या बारे आफुहरु जानकार रहेको भन्दै प्रादेशिक कानून निर्माणका क्रममा त्यसलाई समेट्ने दावि गरे । कार्यक्रममा प्रदेशसभा सदस्य प्रेमबहादुर पुलामी, नेपाल यातायात व्यवसायी राष्ट्रिय महासंघका उपाध्यक्ष रामप्रसाद सुवेदी, महासचिव सरोज सिटौला, नारायणी यातायात व्यवसायी संघका अध्यक्ष हिरालाल श्रेष्ठ, मकवानपुरका प्रमुख जिल्ला अधिकारी चक्रबहादुर बुढा, नेकपा एमाले मकवानपुरका सचिव एकालाल श्रेष्ठ, मकवानपुर उद्योग बाणिज्य संघका बरिष्ठ उपाध्यक्ष माधव न्यौपाने, यातायात व्यवसायी रन्जना वर्तौला लगायतले मन्तव्य व्यक्त गरेका थिए । कार्यक्रममा संघका अध्यक्ष प्रदीपराज गिरीले बार्षिक प्रतिवेदन प्रस्तुत गरेका थिए । संघले टेम्पो/मझौला पत्रकारिता पुरस्कारबाट राजधानी दैनिकका मकवानपुरका संवाददाता धु्रव अधिकारीलाई सम्मान गरेको थियो भने दुर्घटनामा परेका संघका सदस्य विष्णुप्रसाद उप्रेतिलाई नगद एकाउन्न हजार एक सय ११ रुपैँया सहयोग गरेको थियो ।