कांग्रेसमा गुटउपगुट नरहेको मुख्यमन्त्री बानियाँको दावी

१ भदौं, हेटौंडा । नेपाली कांग्रेस बागमती प्रदेश संसदीय दलका नेता तथा मुख्यमन्त्री इन्द्रबहादुर बानियाँले कांग्रेसमा गुटउपगुट नरहेको दावी गरेका छन्। मुख्यमन्त्री बानियाँले मकवानपुरको पालुङ भएको एक कार्यक्रमलाई सम्बोधनका क्रममा नेपाली कांग्रेस पार्टी भित्र कुनैपनि गुटबन्दी नरहेको दावी गरेका हुन्। 

आइतबार दिउँसो नेपाली कांग्रेस थाहा नगरपालिका र मकवानपुर संघीय क्षेत्र नम्बर २ को क को संयुक्त आयोजनामा पालुङमा भएको  स्वागत तथा सम्मान  क्रममा मुख्यमन्त्री बानियाँले गुटबन्दी नरहेकोले एक ढिक्का भएर  पार्टी निर्माणमा लाग्न नेता कार्यकर्तालाई आग्रह समेत गरेका छन्। 
मुख्यमन्त्री बानियाँले आफूले जनताको करबाट उठेको पैसाले पाउने सेवासुविधाबाट आफ्नो निर्वाचन क्षेत्रमा रहेका गरिव विपन्न परिवारलाई दशैं अगावै आवास बनाउने प्रतिबद्दता गर्दै बागमती प्रदेश सरकारले जनताले प्रत्यक्षरुपमा अनुभव र देखिनेगरी सेवा दिने कार्य गर्ने बताएका छन्।
"गणतन्त्रभित्र सबै विचार र ब्यवस्थालाई मिलाएर लैजानुपर्छ, मैले बहादुर जी लाई पनि मुख्यमन्त्री बन्दा सहयोग गरेको थिए आज मलाई सहयोग गर्नु भयो, बाहिर मिडियामा आएको जस्तो गुटउपगुट पार्टी भित्र छैन्" - मुख्यमन्त्री बानियाँले भने। 
कांग्रेस थाहानगर सभापति प्रमोद जोशीको सभाध्यक्षतामा भएको स्वागत तथा सम्मान कार्यक्रममा कांग्रेस थाहानगरका पदाधिकारी, सदस्य तथा क्रियाशिलहरुको उपस्थिति थियो ।
त्यसैगरी मुख्यमन्त्री बानियाँले आइतबार अपरान्ह हेटौंडामा तामाङ पत्रकार संघ बागमती प्रदेशको  ३१औ तामाङ प्रशारण दिवसको अवसरमा आयोजित कार्यक्रमको समुद्घाटन गरेका छन्।