मुख्यमन्त्री बानियाँको निर्देशनमा चट्याङबाट मृत्यु भएका ब्लोन परिवारलाई १ लाख सहयोग

४ भदौं, हेटौंडा । बागमती प्रदेश सरकारले चट्याङ लागेर मृत्यु भएका परिवारलाई एक लाख रुपैयाँ आर्थिक सहायता उपलब्ध गराउने भएको छ ।

मुख्यमन्त्री इन्द्र बहादुर बानियाँलेे  मंगलबार दिउँसो चट्याङ लागेर मृत्यु भएका मनहरी गाउँपालिका–६, दैलीडाँडाका विशाल ब्लोनको परिवारलाई एक लाख रुपैयाँ आर्थिक सहयोग उपलब्ध गराउने बताएका छन्।
बानियाँका अनुसार प्रदेश विपद् कोषबाट उक्त रकम उपलब्ध गराइने जनाइएको छ। उक्त सहयोग रकम उपलब्ध गराउन प्रक्रिया अगाडी बढाउन प्रमुख सचिव भुपाल बराललाई निर्देशन दिइएको मुख्यमन्त्री बानियाँले बताएका छन् । यतामुख्यमन्त्री बानियाँको निर्देशन अनुसार सचिव बरालले आन्तरिक मामिला तथा कानुन मन्त्रालयका विपद् महाशाखा प्रमुख सुरेश खनाललाई आवश्यक कानुनी व्यवस्था अनुसार प्रक्रिया पुरा गर्न र विपद् व्यवस्थापन परिषद तथा विपद् व्यवस्थापन कार्यकारी परिषदको बैठक आह्वान गर्न भनिसकेको बताएका छन् ।
मंगलबार साँझ परेको चट्याङ लागेर मनहरी गाउँपालिका वडा नम्बर ६ हाङलाङमा स्थानीय विशाल ब्लोनको ज्यान गएको थियो भने २ वर्षीया बालिका सहित ७ जना घाइते भएका थिए। सो क्षेत्र मुख्यमन्त्री बानियाँको निर्वाचन क्षेत्र अन्तर्गत पर्दछ।