जिल्ला वनद्वारा डढेलोसम्बन्धी सरोकारवालासंग अन्तरक्रिया

२५ फागुन, हेटौँडा । जिल्ला वन कार्यालय मकवानपुरको आयोजनामा डढेलोसम्बन्धी सरोकारवालाहरुसंगको अन्तरक्रिया गोष्ठी सम्पन्न भएको छ । 
कार्यक्रममा बोल्दै मकवानपुरका प्रमुख जिल्ला अधिकारी चक्रबहादुर बुढाले सुख्खायाममा वन डढेलोको जोखिम बढि हुने भएकाले सरोकारवाला सबै सचेत रहनुपर्नेमा जोड दिए । उनले जिल्ला प्रशासन कार्यालय मकवानपुर सरोकारवालाहरुलाई यसतर्फ सचेत रहन आग्रह गरिरहेको भन्दै सामुदायिक वन, सामाजिक संघसंस्थाहरुलाई पनि आप्mनो क्षेत्रमा हुन सक्ने वन डढेलोबारे चनाखो रहन सुझाव दिए । उनले संचारमाध्यमले पनि वन डढेलोको नकारात्मक असरबारे सर्वसाधारणलाई सचेत गराउनु जरुरी रहेको प्रमुख जिल्ला अधिकारी बुढाको भनाई थियो । 

जिल्ला वन अधिकृत प्रल्हादप्रसाद धितालको अध्यक्षतामा भएको कार्यक्रममा मकवानपुरका प्रहरी उपरीक्षक विकासराज खनाल, सहायक वन अधिकृत टंकनारायण श्रेष्ठ, विशाल भट्टराई, सामुदायिक वन उपभोक्ता महासंघ मकवानपुरका अध्यक्ष पञ्चमाया स्यांतान, पत्रकार प्रताप विष्ट लगायतले डढेलोबाट वनलाई जोगाउनु जरुरी रहेको भन्दै यसका लागि आफ्नोतर्फबाट भूमिका निर्वाह गर्नुपर्नेमा जोड दिए । 

कार्यक्रममा मकवानपुरका ५ वटा सामुदायिक वन समूहलाई अग्नि नियन्त्रण सामग्री हस्तान्तरण गरिएको थियो भने वन डढेलो नियन्त्रणको अभ्यास गरिएको थियो ।