नेपालद्वारा कतार पराजित

२१ असोज, हेटौंडा । आईसीसी टी-२० विश्वकप एसिया तथा इस्ट एसिया प्यासिफिक छनोटको तयारीमा रहेको नेपालले दोस्रो अभ्यास खेलमा कतारलाई पराजित गरेको छ ।
ओमानको मस्कटमा रहेको ओमान क्रिकेट एकेडेमी ग्राउण्ड टर्फ–२ मा सम्पन्न खेलमा नेपालले कतारलाई १६ रनले पराजित गरेको हो । यसअघि भएको पहिलो अभ्यास खेलमा नेपालले ओमानलाई हराएको थियो ।
नेपालले जितका लागि दिएको १७१ रनको लक्ष्य पछ्याएको कतार निर्धारित २० ओभरमा छ विकेट गुमाउँदै १५४ रनमा समेटियो ।
कतारका मोहम्मद तनबिरले ५१ रन बनाए । त्यस्तै मिर्जा मोहम्मद बेगले ४० र मोहम्मद असिमले ३० रन बनाए।
नेपालका लागि करणले केसीले तीन विकेट लिए भने दीपेन्द्रसिंह ऐरी, ललित नारायण राजवंशी र नन्दन यादवले एक/एक विकेट लिए।
त्यसअघि टस जितेर पहिला ब्याटिङ रोजेको नेपालले निर्धारित २० ओभरमा सात विकेट गुमाउँदै १७० रनको योगफल बनाएको थियो।
नेपालका कुशल भुर्तेलले ५६ रनको योगदान दिए। दीपेन्द्रसिंह ऐरीले ३८ रन बनाए भने कुशल मल्ल ३८ रनमा अविजित रहे । आरिफ शेखले १३, ओपनर आसिफ शेखले ११ तथा रोहित पौडेलले ८ रन बनाए ।
कतारका लागि शरिक मुनिर र मोहम्मद इक्रामउल्लाले दुई/दुई विकेट लिएका थिए ।