राष्ट्रपति भण्डारीलाइ सपथ खुवाएका प्रधानन्यायधिश पदमुक्त

३० फागुन, हेटौँडा । नव निर्वाचित राष्ट्रपति विद्यादेवी भण्डारीले पद तथा गोपनियताको शपथ ग्रहण गरेकी छिन् । राष्ट्रपतिको कार्यालय शितल निवासमा आयोजित विशेष समारोहकाबीच राष्ट्रपति भण्डारीले दोश्रो पटक राष्ट्रपतिको शपथ ग्रहण गरेकी हुन् ।

राष्ट्रपति भण्डारीलाई प्रधानन्यायधीश गोपालप्रसाद पराजुलीले शपथ खुवाएका थिए । उनी मंगलबार दोस्रो कार्यकालका लागि राष्ट्रपतिमा निर्वाचित भएकी थिईन् । शपथ समारोहमा, प्रधानमन्त्री केपी शर्मा ओलि, उपराष्ट्रपति नन्दकिशोर पून, प्रधानसेनापति, प्रदेशसभाका प्रमूख, विशिष्ट व्यक्तिहरुको उपस्थिति थियो ।  यसअघि राष्ट्रपति भण्डारी २०७२ कात्तिक ११ गते पनि नेपालको दोस्रो राष्ट्रपतिमा निर्वाचित भएकी थिईन् ।

शपथ समारोहमा नेपाली सेनाले राष्ट्रपतिको सम्मानमा सलामी दिईएको थियो । उनको कार्यकाल पाँच वर्षको हुनेछ ।
यसैबिच, सर्वोच्च अदालतका न्यायाधीशले नै बेञ्च बहिस्कार गरेपछि नैतिक संकटमा पर्नुभएका प्रधानन्यायाधीश गोपाल पराजुली पदमुक्त भएका छन् । नवनिर्वा्चित राष्ट्रपति विद्यादेवी भण्डारीलाई सपथ खुवाउन शीतल निवास पुग्नुभएका प्रधानन्यायाधीश पराजुलीलाई न्याय परिषद्ले पदमा नरहेको पत्र थमाएको हो ।

न्याय परिषद सचिवालयले काटेको पत्रमा पराजुली उमेर हदका कारण पदमा नरहेको उल्लेख छ । पराजुलीले ३१ साउनमै ६५ वर्ष उमेर पुरा गरेको परिषद्ले जनाएको छ । परिषदका सचिव नृपध्वज निरौलाद्धारा हस्ताक्षरित पत्रमा न्याय परिषद् ऐन २०७३ को दफा ३१ मा कुनै न्यायाधीश उमेरका कारण अवकास हुने भएमा सम्वन्धीत न्यायाधीश र निकायलाई जानकारी गराउनु पर्ने उल्लेख छ ।