निजगढ गोल्डकपको उपाधि चौधरी ११लाई

प्रभात तिमल्सिना

३ चैत्र, निजगढ।बाराको निजगढमा जारी चौथो निजगढ गोल्डकपको उपाधि चौधरी ११बाराले जितेको छ । प्रतियोगिताको शनिबार सम्पन्न फाइनल खेलबाट एपिएफ पिलुवालाई १-० गोलले हराउदैं चौधरी ११ बाराले उपाधि हात पारेको हो । 

खेलको अवधिभर दुबै तर्फबाट उत्कृष्ट प्रदर्शन भएको थियो । खेलको ७३ औं मिनेटमा चौधरी ११ का जर्सी न. १५ का गजेन्ı चौधरीले गोल गर्दै टिमलाई अग्रता दिलाएका थिए । आक्रामक रहेको एपिएफ पिलुवाको तर्फबाट निर्धारित समयसम्म कुनै पनि गोल हुन नसक्दा पराजित हुनुपरेको हो । खेलको म्यान अफ दि म्याच चौधरी ११ का गजेन्ı चौधरी घोषित भएका थिए । 

खेलका विजयीले एक लाख सहित ट्रफि र प्रमाण पत्र प्राप्त गरेका छन् । त्यस्तै उपविजेता एपिएफ पिलुवाले नगद पचास हजार  सहित ट्रफि र प्रमाण पत्र प्राप्त गरेका छन् । त्यस्तै खेलमा बेस्ट डिफन्डर एपिएफका अनिल पटेल , उत्कृष्ट गोल कर्ता चौधरी ११ का शत्रुधन चौधरी ,र म्यान अफ दि सिरिज चौधरी ११ का कृष्ण शाक्य घोषित भएका थिए । विजयी टिमलाई कार्यक्रमका प्रमुख अतिथि पूर्व खेलकुद मन्त्री तथा नेपाल खेलकुद महासंघका अध्यक्ष पुरुषोत्तम पौडेलले पुरस्कार तथा प्रमाण पत्र वितरण गर्नु भएको थियो । कार्यक्रममा जिल्ला शिक्षा अधिकारी बाराका लालबाबु शाह , निजगढ नगरपालिकाका उपप्रमुख लिला देवि खनाल , सम्पूर्ण वडाका वडा अध्यक्षहरु, समाजसेवि, सहयोगि दाता लगायत पत्रकारहरुको सहभागिता रहेको थियो ।