चित्रेपानी वनमा वनडढेलो गोष्ठी

भीमसेन पौडेल
४ चैत, चौघडा । सुख्खा याममा लाग्ने वनडढेलोबाट बनलाई बचाउने उपायहरुको बारेमा जानकारी दिन जिल्ला वन कार्यालय,मकवानपुरले एक दिने डढेलो सचेतना गोष्ठीको आयोजना गरेको छ ।
हेटौडा–६ मा रहेको चित्रेपानी सामुदायिक वन उपभोक्ता समूहमा गोष्ठी संचालन गरिइको हो ।

गोष्ठीमा वनलाई डढेलोबाट बचाउने तरीका, डढेलोबाट हुन बेफाईदा, निभाउने बीधि, वनमा डढेलो लगाउने व्यक्तिलाई गरिने कानूनी व्यवस्था लगायतका विषयहरुमा सहभागीहरुलाई जानकारी गराईएको थियो । जिल्ला वन कार्यालय,मकवानपुरका प्रमुख प्रल्हाद प्रसाद धितालको प्रमुख आतिथ्यता एवम समूहका अध्यक्ष सूर्य बहादुर घलानको अध्यक्षतामा कार्यक्रम भएको थियो । 

कार्यक्रममा हेटौडा ईलाका वन कार्यालयकी वन रक्षक अमृता शिलवाल,शिखरपानी सामुदायिक वनका अध्यक्ष चन्द्र बहादुर पाख्रिन, चुरेकाड सामुदायिक वनका अध्यक्ष मिन बहादुर लामा,चित्रेपानी सामुदायिक वन हेटौडा–८ की अध्यक्ष बालकुमारी थापा, रानी सामुदायिक वनका कार्यालय सचिव भीमसेन पौडेल, समूहकी सचिव रजनी गौतम, लेखा संयोजक भानुप्रताप विडारी बिडारी लगायतकाले मन्तव्य व्यक्त गरेका थिए ।
गोष्ठीमा हेटौडा ईलाका वन कार्यालयकी सहायक वन अधिकृत राधिका शर्मा र फरेष्टर यदुकमार घिमिरेले सहजकिरण गरेका थिए । गोष्ठीमा विभिन्न ५ वटा सामुदायिक वनका गरी ५५ जनाको सहभागिता थियो ।