एक्सरे मेसिन विगार्नेलाई कारवाही हुन्छ : प्रजिअ बुढा

४ चैत, हेटौँडा । केहि वर्षदेखि माहामरीको रुपमा रहेको झाडापखाला लगायतका प्रकोपलाई जिल्ला जनस्वास्थ कार्यलय मकवानपुरले नियन्त्रणमा लिन सफल भएको छ । 
हेटौंडामा आइतबार जिल्ला जनस्वास्थ्य कार्यालय मकवानपुरले आयोजना गरेको पत्रकार भेटघाट तथा सार्वजनिक सुनुवाई कार्यक्रममा जिल्ला जनस्वास्थ्य कार्यलय मकवानपुरका प्रमुख रामचन्द्र पाठकले प्रतिवेदन प्रस्तुत गर्दै यो जानकारी दिएका हुन् । यद्यपि मकवानपुरमा ४६ प्रतिशत महिला मात्रै सुरक्षित एवम् दक्ष स्वास्थ स्वयम्सेविका तथा प्रसुति गृहहरुबाट प्रस्तुती हुने गरेका छन् । गरीबीले उपचारमा समस्या भएका बिरामीहरुका लागि सरकारले निशुल्क उपचार गराउने गरेको भन्दै वहाँले हेटाँैडा अस्पतालमा संचालनमा रहेको सामुदायिक सेवा ईकाईबाट सेवा लिन सकिने बताए । 
कार्यक्रममा प्रमुख जिल्ला अधिकारी चक्रबहादुर बुढाले स्वास्थ सेवा निकै महत्वपूर्ण हुने भन्दै अस्पतालहरुले शतप्रतिशत नतिजा निकाल्नु पर्नेमा जोड दिए । अस्पतालमा रहेको एक मात्रै एक्सरे मेसिन बिग्रिएको सम्बन्धमा  पत्रकारहरुको जिज्ञासामा प्रजिअ बुढाले मेसिन बिग्रेको नभई सोहि अस्पतालको कर्मचारिकै संलग्नतामा बिगारिएको प्रारम्भीक अनुसन्धानबाट देखिन आएको बताए । यस विषयमा प्राविधिकहरुलाई देखाँउदा कुनै बस्तु प्रहार गरेर फुटाईएको पाईएपछि थप अनुसन्धानका लागि समिति बनाई दोषि पत्ता लगाउने प्रक्रिया भईरहेको बुढाले बताए । अस्पतालमा रहेको चालु अवस्थाको एक्सरे मेसिन बिग्रिएपछि सेवाग्राहीहरु प्राईभेट क्लिनिकमा महंगो शुल्क तिरेर एक्सरे गराउन बाध्य भएकाले दोषि पत्ता लगाई कडा कारबाही गरिने बताए । 
सार्वजनिक सुनुवाईमा कार्यक्रम जनस्वास्थ्य कार्यालय प्रमुख रामचन्द्र पाठक , जिल्ला समन्वय समिति मकवानपुरका प्रमुख रधुनाथ खुलाल, विभिन्न राजनितिक दलका प्रतिनिधि लगायतको उपस्थिति रहेको थियो ।