संगठन मजबुत बनाउन एक भएर लाग्नुस्ः बानियाँ

४ चैत हेटौंडा।नेपाली काँग्रेस मकवानपुरका सभापति, पूर्व गृहराज्यमन्त्री एवं काँग्रेस ३ नम्बर प्रदेशका प्रमूख प्रतिपक्ष दलका नेता ईन्द्रबहादुर बानियाँले पार्टी र भातृ तथा शुभेच्छुक संघसंगठनलाई चलायन बनाई सांगठानिक संरचना चुस्तदुरुस्त र मजबुत बनाउन सबै नेता कार्यकर्ता एक भएर लाग्नुपर्ने बताउनुभएको छ ।

 मकवानपुरको क्षेत्र नम्बर १ स्थित बकैया गाउँपालिकामा आईतबार काँग्रेसको क्रियाशिल भेलामा नेता बानियाँले काँग्रेसले संविधान जारी गरी तिनै तहको निर्वाचन गराउन सफल एवं काँग्रेसको पालामा भएको विकास निर्माणको कुरा आम जनतामा पु¥याउन सक्षम नहुनु पनि काँग्रेस हारको कारण भएको बताउँदै अव गाउँगाउँमा पार्टीका भातृ एवं शुभेच्छुक संघसंगठन चुस्तदुरुस्त बनाउन निर्देशन दिनुभएको हो ।

साविक छतिवन गाविस सभापति भुमिनन्द गौतमको सभाध्यक्षता एवं नेता बानियाँको प्रमूख आतिथ्यतामा भएको कार्यक्रममा विशिष्ठ अतिथिहरु निवर्तमान सभापति रघुरमण न्यौपाने, प्रमूख सल्लाहकार माईकल रामचन्द्र अर्याल, सचिव बुद्ध लामा, अतिथिहरु कोषाध्यक्ष गोपीलाल विश्वकर्मा, सल्लाहकार भरत पराजुली, जिल्ला सदस्य भीमसेन महत, प्रदेशसभा उम्मेदवार धर्मराज लामिछाने, क्षेत्रीय सभापति दामोदर खनाल, नेता मिठाराम दाहालले मन्तव्य व्यक्त गर्नुभएको थियो । भेलाले भुमिनन्द गौतमको संयोजकत्वमा २१ सदस्यीय बकैया गाउँपालिका तदर्थ समिति तथा १० सदस्यीय सल्लाहकार समितिसमेत निर्माण गरेको छ। कार्यक्रममा जिल्ला सदस्यहरु रामबाबु बानियाँ, कृष्णप्रसाद दाहाल, इन्दिरा न्यौपाने, क्षेत्रीय सचिव सुवात सिं थिङ, जनक धिताल, महाधिबेशन प्रतिनिधि दिलबहादुर भोम्जन, चन्द्रकुमार राई तुल्सीराम लामिछाने, क्षेत्रीय सदस्य सोमबहादुर तिमल्सिना, तरुण दल जिल्ला सचिव सचित थापा, नेता शेरमान गोले, महिला संघ जिल्ला कोषाध्यक्ष डम्बर कुमारी गिरी, क्षेत्रिय सचिव मिरा तिमल्सिना बञ्जरा, बकैया ९ र ११ का वडा अध्यक्षद्वय टंकबहादुर लोप्चन र गोपाल न्यासुरलगायतको सहभागिता रहेको थियो ।