हेटौंडा एकेडेमीको कविता प्रतियोगितामा तामाङ प्रथम

६ फागुन,हेटौँडा । हेटौंडा ११ नवलपुरमा रहेको हेटोंडा एकेडेमीको २८ औं स्थापना दिवस तथा हेटौंडा ४ मा रहेको रेडियो थाहा सञ्चार को  १८ औं वार्षिकोत्सव अवसरमा नगर स्तरिय कविता प्रतियोगिताको आयोजना गरिएको छ । हेटौंडा एकेडेमी बाल क्बलका अध्यक्ष रोज कार्कीको अध्यक्षता तथा बरिष्ठ साहित्कार खगेन्द्र संग्रौलाको प्रमुख आतिथ्यतामा भएको प्रतियोगिता हेटौंडा एकेडेमी बाल क्लबको आयोजना तथा रेडियो थाहा संचार र हेटौंडा एकेडेमीको सहकार्यमा भएको थियो । 

कार्यक्रममा बोल्दै प्रमुख अतिथी सग्रौलाले साहित्वले मानिसको जीवनमा परिवर्तन ल्याउने बताउदै समाज रुपान्तरणमा साहित्को भूमिका महत्वपूर्ण रहेने र साहित्वमा हेटौंडा उर्वर भूमि रहेको उदघोष गरेका थिए। त्यस्तै रेडियो थाहा संचारका प्रवन्ध निर्देशक अरुणराज सुमार्गीले हेटौंडा एकेडेमीले बालबालिकाको प्रतीभालाई प्रष्फुटन गर्नका लागि कविता प्रतियोगिता आयोजना गरेको बताए । 
प्रतियोगितामा  सनराइज बोडिङ्गकी छात्रा अंशु तामाङ्ग पहिलो बालज्योति मा विकी छात्रा प्रनिषा थापा दोश्रो, प्रगति माविका निरन्जन महतो तेश्रो तथा ज्ञानोदय बालबाटिकाकी रितिका सापकोटा सान्त्वना भएकी थिइन ।विजयी प्रतियोगिलाई प्रमुख अतिथी लगायतले पुरस्कार वितरण गरेका थिए । प्रतियोगिताको सहजिकरण आध्या भट्टराईले  गरेकी थिइन ।  प्रतियोगिताको निर्णायहरुमा कवि  यश लामा र पुरुसोत्तम आचार्य रहेका थिए । प्रतियोगितामा विद्यालयकी संचालक तथा समाजसेवी अकिता सुमार्गी,प्रअ पुष्प पराग ,सहित्यकार दिपक बराल,देबराज खरेल,किशन पौडेल ,डि बि बर्तौला,विशाल आषुतोस,प्रमेन्द्र महर्जन, सन्जित श्रेष्ठ,सागर तिमल्सिना ,सुबस सजल,सानू खनाल, लगायतकाको उपस्तिथि रहेको थियो । प्रतियोगितामा हेटौंडा नगरका १२ विद्यालयका २५ प्रतियोगिको सहभागिता रहेको विद्यालयका प्रअ पुष्प परागले बताएका छन्।