महासंघ मकवानपुरले ग¥यो पत्रकार उपचार कोषको स्थापना

११ चैत्र, हेटौँडा । नेपाल पत्रकार महासंघ मकवानपुर शाखाको शनिवारको नियमित बैठकले पत्रकार उपचार कोषको स्थापना गर्ने निणय गरेको छ । महासंघ मकवानपुर शाखासंग आबद्ध भएका आफ्ना सदस्यहरु गम्भीर बिरामी परेमा उपचारको क्रममा सहयोग होस भन्ने उद्देश्यले उपचार कोष स्थापना गर्ने निणय गरेको महासंघका सचिव गणेश दर्पाण अधिकारीले बताए । मकवानपुरका पत्रकार गम्भीर खालका बिरामी पर्दा आर्थिक अभावका कारण समस्यामा पर्दै आएकाले कोषको स्थापना गरेर रकम सहयोग गर्नका लागि आव्हान गर्ने निणय भएको अधिकारीको भनाई छ ।
पत्रकार उपचार कोष संकलन गर्नका लागि पत्रकार महासंघ मकवानपुरका अध्यक्ष हरि हुमागाईको संयोजकत्वमा उपाध्यक्षद्वय कुमार अधिकारी पोष्टराज र सरिता दाहाल तथा सचिव गणेश दर्पण अधिकारी सदस्य रहेका छन् ।
कोषमा अध्यक्ष हुमागाई र उपाध्यक्ष अधिकारीले जनही पाँच÷पाँचहजार रुपैयाँ सहयोग गरेका छन् । दुवैले सहयोग रकम महासंघका कोषाध्यक्ष सुदिप सिवाकोटीलाई हस्तान्तरण गरेर कोषको सुरुवात गरेको कोषाध्यक्ष शिवाकोटीले जानकारी दिए । आगामी दिनहरुमा पनि पत्रकार महासंघ मकवानपुरमा आबद्ध रहनुभएका पत्रकार, बिभिन्न सञ्चार संस्था, अरु शुभेच्छुक ब्यक्ति र संस्थासंग रकम संकलन गरेर उपचार कोषमा रकम बृद्धि गरिने कोषाध्यक्ष शिवाकोटीले बताए ।
कोषमा जम्मा भएको रकम के कसरी गम्भीर खालका बिरामीलाई उपचारमा सहयोग गर्ने भन्ने बिषयको निर्णय भने महासंघ मकवानपुर शाखाको बैठकले गर्ने जनाइएको छ । यसैगरीे बैठकले महासंघको दोस्रो तलामा निर्माण गरिएको पुस्तकालयमा पत्रकारिता लगायत अन्य साहित्यीक पुस्तक संकलन गर्नका लागि समिति गठन गरेको छ । महासंघका कार्यसमितिका सदस्य केशब समपर्णको संयोजकत्वमा सरला अधिकारी र कपिल खड्का सदस्य रहनेगरी ३ सदस्य समितिलाई जिम्मा दिइएको छ ।
यसैगरी गढी गाउँपालिकाको सहयोगमा त्यसक्षेत्रका पत्रकारितामा ईच्छुकहरुलाई तालिम समेत दिने निर्णय गरिएको छ । तालिम संचालन गर्नका लागि कार्यसमितिका सदस्य एमपी शर्माको संयोजकत्वमा असोक सुजन श्रेष्ठ र पुष्पराज अधिकारी सदस्य रहेको समिति पनि गठन गरिएको छ ।
यसैगरी चैत १६ गते नेपाल पत्रकार महासंघको स्थापना दिबस प्रभातफेरी गरेर मनाउने निणय पनि गरिएको छ ।
बैठकले पत्रकार महासंघ मकवानपुरका पुर्ब अध्यक्ष तथा पुर्ब केन्द्रीय सदस्य प्रताप बिष्टका पिता रुद्रबहादुर बिष्ट प्रति शोक प्रस्ताव समेत पारित गरेको छ । महासंघ मकवानपुर शाखा अध्यक्ष हरि हुमागाईको अध्यक्षतामा बैठक भएको हो ।
फोटो सौजन्यः अशोकसुजन श्रेष्ठ