गाई काट्ने अभिव्यक्तिको प्रदेशसभामा आलोचना

१३ चैत, हेटौँडा । ३ नम्बर प्रदेशसभा बैठकमा उपसभामुख राधिका तामाङको गाई काट्न पाउनुपर्ने अभिव्यक्तिको चर्को आलोचना भएको छ ।

मंगलबारको पहिलो सत्रको बैठकमा बोल्ने सदस्यहरुले जिम्मेवार पदमा रहेको व्यक्तिले गैरजिम्मेवार अभिव्यक्ति दिएको भन्दै संवि

धान भन्दा माथि कोही नहुने बताएका थिए । सभामा धारणा राख्दै प्रदेशसभा सदस्य न्हुच्छेनारायण श्रेष्ठले उपसभामुख तामाङले जातीय विद्वेष फैलाउने काम भएको भन्दै संसदमा जवाफ दिनुपर्ने बताएका थिए । रिता माझीले सभामुखले दिएको अभिव्यक्रबारे आपत्ति जनाउँदै यसबारे स्पष्ट पार्नुपर्ने धारणा राखेकी थिईन् । प्रदेशसभा सदस्यहरुले राष्ट्रिय जनावरको अपमान गर्ने अधिकार उपसभामुखलाई नभएको भन्दै यसबारे स्पष्ट पार्नुपर्नेमा जोड दिएका थिए ।बैठकले ११० सदस्य नै समेट्ने गरी ५ वटा विषयगत समिति गठन गरेको छ । मंगलबार बसेको बैठकले ५ वटा विषयगत समिति गठन गरेको हो ।बैठकमा सभामुख सानुकुमार श्रेष्ठले प्रदेश मामिला समिति, अर्थ तथा विकास समिति, सार्वजनिक लेखा समिति, शिक्षा, स्वास्

थ्य तथा कृषि समिति र उद्योग, पर्यटन तथा वातावरण समितिमा रहेका प्रदेशसभा सदस्यहरुको नाम अनुमोदनका लागि प्रस्तुत गरेका थिए । बैठकबाट नाम अनुमोदन भएको छ । बैठकमा आन्तरिक मामिला तथा कानून मन्त्री शालिकराम जम्कट्टेलले प्रस्तुत गरेको ‘प्रदेशका केही सार्वजनिक लिखत प्रमाणीकरण सम्बन्धमा व्यवस्था गर्न

बनेको विधेयक’ र आर्थिक मामिला तथा योजना मन्त्री कैलाशप्रसाद ढुंगेलले प्रस्तुत गरेको ‘प्रदेश सरकारको आर्थिक कार्यविधि नियमित तथा व्यवस्थित गर्न बनेको विधेयक’ स्विकृत भएको छ । आर्थिक विधेयकमाथिको दफावार छलफल चैत १६ गतेको बैठकमा हुने जनाईएको छ । विषयगत समितिको सभापति चैत १५ गते निर्वाचनमार्फत टुंगो लगाउने कार्यतालिका सार्वजनिक गरिएको छ । बैठकमा बोल्ने अधिकांश प्रदेशसभा सदस्यले प्रदेशको नामाकरण र राजधानी चाँडै तोक्नुपर्ने, प्रदेशसभा बैठक नियमित राख्नुपर्ने, आर्थिक ढंगले समृद्ध बनाउन ठोस ढंगले अघि बढ्नुपर्ने लगायतका धारणा राखेका थिए ।