११ नम्वर वडा टोल विकास संस्था स्तरीय पुरुष भलिबल प्रतियोगिता सुरु

२८ चैत, हेटौडा । टोल विकास संस्था वडा समन्वय समिति हेटौंडा ११ र हेटौंडा ११ नम्वर वडाको संयुक्त आयोजनामा  वडा टोल विकास संस्था स्तरीय पुरुष भलिबल प्रतियोगिता बुधबारबाट हेटौँडा ११ नवलपुरमा  शुरु भएको छ ।  

बुधबार भएको उद्घाटन  खेलमा आयोजक नव यूवा क्लब, कृष्णमन्दिर टोल विकास संस्था  र तल्लो ताल टोल विकास संस्था विजयी भएका छन् । बुधबार भएको पहिलो खेलमा आयोजकले दुम्सीडाँडा टोल विकास संस्था ‘ए’ लाई १७–२५, २५–१२ र १५–६ को सेटले पराजित गरेको थियो । यसैगरी दोस्रो खेलमा कृष्णमन्दिरले डाङडाङुलाई २५–१२ र २५–१३ को सोझो सेटमा पराजित गरेको थियो । बुधबारनै भएको तेस्रो खेलमा सडकटोल टोल विकास संस्थालाई तल्लो तालले २५–२२, २०–२५ र १५–९ को सेटले पराजित गर्न सफल भयो ।  हेटौंडा उपमहानगरपालिका ११ नम्वर वडाका अध्यक्ष गोकर्ण पराजुलीको अध्यक्षतामा भएको कार्यक्रममा जिल्ला विकास समितिका पूर्व अध्यक्ष रामेश्वर रानाको प्रमुख आतिथ्यता रहेको थियो । कार्यक्रममा हेटौंडा ११ नवर वडाका सदस्य जुना दहाल, गिता सुनार, त्रिभुवन उच्च माविका प्रधानाध्यापक केदारप्रसाद विडारी, टोल विकास संस्था नगर समन्वय समितिका सदस्य लक्ष्मी पौडेल, हेटौंडा ११ नेकपा एमालेका अध्यक्ष कृष्णप्रसाद उप्रेती, नेकपा माओवादी केन्द्रका अध्यक्ष देवनारायण चौलागाई लगायतको आतिथ्यता रहेको थियो ।

३ दिनसम्म सञ्चालन हुने प्रतियोगितामा हेटौंडा ११ मा रहेका आठवटा टोल विकास संस्थाले सहभागिता जनाएको टोल विकास संस्था वडा समन्वय समिति हेटौंडा ११ का अध्यक्ष देवकुमार श्रेष्ठले जानकारी दिए