‘माघ ७ पछि संवैधानिक संकट’

३ असोज, हेटौँडा । नयाँ शक्ति पार्टीका प्रवक्ता खिमलाल देवकोटाले माघ ७ गतेपछि ठूलो संवैधानिक संगठन आईपर्ने बताएका छन् । 
नेपाल प्रेस सोसाईटीको प्रथम जिल्ला भेलामा बोल्दै नेता देवकोटाले राजनैतिक दलहरु संविधान कार्यान्वयन भन्दा पनि सत्ता स्वार्थमा केन्द्रित भएकाले २०७४ माघ ७ गतेपछि संवैधानिक संकट आउने बताए । मधेशी, आदिवासी, मुस्लिम, अल्पसंख्यक लगायतका मुद्धा समेट्न संविधान संशोधन आवश्यक रहेको बताउँदै यस्तो हुन नसके संवैधानिक संकट आउने उनको दावि छ । 
संविधान संकटसँगै राजनैतिक अधिकार धरापमा पर्ने भएकाले यसतर्फ सचेत हुन राजनैतिक दललाई उनको आग्रह थियो । सत्ता फेरबदलको मुद्धा जनताको हितमा हुनुपर्नेमा पार्टीगत स्वार्थ केन्द्रित भईरहेको प्रति उनको आपत्ति छ । 
कार्यक्रममा नयाँ शक्ति नेपालका केन्द्रिय कार्यकारी परिषद सदस्य सविना अर्याल, प्रेस सोसाइटी ३ नम्बर प्रदेश संयोजक योगेन्द्रप्रताप शाही, नेपाल पत्रकार महासंघका पूर्व केन्द्रिय सदस्य प्रताप विष्ट, प्रेस युनियन केन्द्रिय सदस्य राममणी दाहाल, प्रेस चौतारीका केन्द्रिय सदस्य राजन दाहाल, क्रान्तिकारी पत्रकार संगठनका केन्द्रिय सचिवालय सदस्य तिलक अधिकारी, पत्रकार लगायतले मन्तव्य व्यक्त गरेका छन् । 
त्यसैगरी, महासंघ मकवानपुरका पूर्व अध्यक्ष भानुभक्त आचार्य, प्रेस सेन्टर मकवानपुरका अध्यक्ष नानीमैया विष्ट, रिपोटर्स क्लव मकवानपुरका अध्यक्ष सविन न्यौपाने, मिडिया नेपालका मकवानपुर अध्यक्ष जिवराज बख्रेल, गोविन्द न्यौपाने लगायतले मन्तव्य व्यक्त गरेका छन् । कार्यक्रम सोसाईटीका केन्द्रिय सदस्य मनोज ढोडारीको अध्यक्षतामा कार्यक्रम भएको हो ।