पदमपोखरीको महायज्ञमा ३६ लाख ६१ हजार संकलन

सम्मान ग्रहणपछि वडा नम्बर १२ का वडा अध्यक्ष ललित घलान, वडा नम्बर १३ का वडाअध्यक्ष मनोज वाईबाका साथमा पत्रकार चन्द्र घलान ।

२९ चैत, हेटौँडा । हेटौँडा–१३ स्थित पदमपोखरी बहुमुखी क्याम्पसको शैक्षिक एवं भौतिक सुधारका लागि चैत २१ गतेबाट भएको श्रीमद् भागवत सप्ताह ज्ञान महायज्ञमा ३६ लाख ६१ हजार ९ सय ५१ रुपैयाँभन्दा बढी सहयोग जुटेको छ । सप्ताहमा ३६ लाख ६१ हजार ९ सय ५१ रुपैयाँभन्दा बढी सहयोग जुटेको क्याम्पस प्रमुख कृष्णमाया लटौलाले जानकारी दिईन् । सप्ताहमा महेन्द्र मावि पदमपोखरीका शिक्षकहरुले एकमुष्ठ रुपमा १ लाख ८१ हजार ४ सय ८४ रुपैयाँ सहयोग गरेका थिए ।
सप्ताह मुल आयोजक समितिका अध्यक्ष राजेन्द्र मैनालीको अध्यक्षता तथा हेटौँडा उपमहानगरपालिकाका मेयर हरिबहादुर महतको प्रमुख आतिथ्यतामा औपचारिक कार्यक्रम गरि महायज्ञको समापन गरिएको हो । क्याम्पसको शैक्षिक अवस्था सुधारको निम्ती सप्ताहमा ५ लाख १० हजार सहयोग गर्ने कृष्णप्रसाद मैनाली र ५ लाख ५ हजार सहयोग गर्ने राजेन्द्र मैनालीलाई विशेष सम्मान समेत गरिएको थियो । 
त्यस्तै प्रदेश नम्बर ३ का प्रदेशसभा सदस्य ईन्द्रबहादुर बानियाँ, वडा नम्बर १२ परिवार, वडा नम्बर १३ परिवार, टासी छ्वेईलिङ बौद्ध गुम्बा परिवार, आधुनिक महिला जागृति, नमोबुद्ध टोल सुधार समूह ठुलोथली, महेन्द्र मावि परिवार, बुद्ध मावि परिवार, दिनेश गोले, बिदुर तामाङ घलान लगायतका नगद सहयोग गर्ने तथा समाचार संकलन र प्रचारप्रसारका गरि सहयोग पुराएको भन्दै तामाङ पत्रकार संघ मकवानपुरका अध्यक्ष चन्द्र घलान र सचिव दिलबहादुर लामालाई समेत सम्मान पत्र प्रदान गरिएको थियो ।
समापन कार्यक्रममा वडा नम्बर १२ का वडा अध्यक्ष ललित घलान, वडा नम्बर १३ का वडाअध्यक्ष मनोज वाईबा, धर्मगुरु, पण्डित गुरु तथा विभिन्न व्यक्तित्वहरुको सहभागीता रहेको थियो ।