त्रिदेशीय सम्बन्धबाट फाइदा उठाउँन चिनको प्रस्तावः परराष्ट्रमन्त्री ज्ञवाली

८ बैशाख, हेटौँडा । परराष्ट्रमन्त्री प्रदीप ज्ञवालीले चीनले नेपालसमक्ष त्रिदेशीय अवधारणाको प्रस्ताव राखेको बताएका छन् । 
साताव्यापी चीन भ्रमण सकेर सनिबार स्वदेश फर्किएका परराष्ट्रमन्त्री ज्ञवालीले चीनका विदेशमन्त्री वाङ यीेले त्रिदेशी सम्बन्धबाट नेपालले लाभ उठाउन प्रस्ताव गरेको जानकरी दिएका हुन् । 
त्रिभुवन अन्तराष्ट्रिय विमानस्थलमा आयोजित पत्रकार सम्मेलनमा परराष्ट्रमन्त्री ज्ञवालीले चीनले राखेको त्रिदेशीय अवधारणाको प्रस्तावलाई आफुहरुले सकारात्मक रुपमा लिएको बताए । 
सञ्चारमाध्यमहरुमा चर्चामा आए जस्तो प्रधानमन्त्रीको चीन भ्रमणको तयारीका लागिमात्रै आफ्नो भ्रमण नभएको भन्दै उनले नेपालमा नयाँ सरकार गठन भएको अवस्थामा दुई देशीय सम्बन्ध प्रगाढ बनाउँदै सहयोगका नयाँ क्षेत्र खोज्ने विषय पनि भ्रमणमा केन्द्रित रहेको जानकारी दिए । 
भ्रमणकाक्रममा रसुवागढी– केरुङ र तातोपानी झाङमु नाकाहरुको स्तरोन्नती तथा भुकम्प पछि अवरुद्ध बनेको तातोपानी नाका संचालन सम्बन्धमा पनि कुराकानी भएको उल्लेख गर्दै छिट्टै संञ्चालनमा आउनेमा आफु विश्वस्त रहको मन्त्री ज्ञवालीले बताए । 
परराष्ट्रमन्त्री ज्ञवाली चीनका विदेशमन्त्री वाङ यीको निमन्त्रणामा चीनको औपचारिक भ्रमणका लागि बैशाख ३ गते त्यस तर्फ प्रस्थान गरेका थिए ।