पत्रकार महासँघ ३ नं प्रदेशमा १३ जना निर्बिरोध

फाईल फोटो

९ बैशाख, हेटौडा । नेपाल पत्रकार महासँघ ३ नं प्रदेशको अधिवेसनमा विभिन्न पदमा २४ जनाले उम्मेदवारी दिएकोमा १३ जना निर्बिरोध भएका छन् । तोकिएका पदसँख्यामा थप उम्मेदवारी नपरेपछि उनीहरु निर्बिरोध भएका हुन् ।

प्रदेश नं तिनको २१ सदस्यीय का लागि हुने अधिवेशनमा खुल्ला उपाध्यक्षमा यदुनाथ गौतम, महिला उपाध्यक्षमा नानीमैया कार्की, महासचिवमा कृष्ण सारु मगर, सचिव खुल्लामा सुरेश प्रसाद हुँमागाई, कोषाध्यक्ष मा सीताराम अधिकारी, मधेसी सदस्यमा कोमल चन्द्र भगत, दलित सदस्यमा मदन बिश्वकर्मा, महिला सदस्यहरुमा नानीमैंया बिष्ट, जानुका न्यौपाने र शर्मिला उप्रेती, अल्पसँख्यक सदस्यमा बद्री नयाँघरे, र जनजाती सदस्यमा इश्वर कुमार जोशी र जीवन श्रेष्ठ निर्बिरोध भएका छन् । यसैगरि अध्यक्षमा २ जनाको, सदस्यमा ७ जनाको र समावेशी सचिवमा २ जनाको उम्मेदवारी परेको छ । अध्यक्ष पदको लागि प्रेस चौतारी , प्रेस युनियन र प्रेस सेन्टरको सँयुक्त प्यानलबाट पत्रकार प्रताप बिष्ट र स्वतन्त्र रुपमा पत्रकार गिरिजा प्रसाद अधिकारीले उम्मेदवारी दिएका छन् ।

सोमबार उम्मेदवारहरुको दाबीबिरोध गर्ने र नामफिर्ता लिन चाहने उम्मेदवारहरुले नाम फिर्ता लिन पाउने मुख्य निर्वाचन अधिकृत नवराज शर्माले  जानकारी दिए  ।  शुक्रबार असन्तुष्ट पक्षले पत्रकार महासँघ मकवानपुर हेटौडा ४ मा रहेको कार्यालयमा लगाएको ताला  भने अझै खुलेको छैन ।