विद्यार्थी संगठनद्वारा नीजि तथा सामुदायिक विद्यालयलाई ४८ घण्टे  अल्टिमेटम ( विज्ञप्ती सहित )

९ बैशाख, हेटौँडा । मकवानपुरमा रहेका नीजि तथा सामुदायिक विद्यालयले विद्यार्थी भर्नाको समयमा मनोमानी ढंगबाट शुल्क उठाएको भन्दै मकवानपुरका चार विद्यार्थी संगठनल शुल्क  फिर्ता लिन नीजि तथा सामुदायिक विद्यालयहरुलाई  ४ बुदे माग सहित ४८ घण्टाको  अल्टिमेटम दिएका छन ।  
 चार विद्यार्थी संगठनका जिल्ला अध्यक्ष र संयोजले आईतबार  हेटौँडामा पत्रकार सम्मेलन मार्फत  संयुक्त प्रेस विज्ञप्ती जारी गर्दै  कारबाहीको चेतावनी दिएका छन् । कांग्रेस निकट नेविसंघ, एमाले निकट अनेरास्ववियु, माओवादी केन्द्र निकट अनेरास्ववियु क्रान्तिकारी तथा राप्रपा निकट राष्ट्रिय प्रजातान्त्रिक विद्यार्थी संगठनले नीजि तथा सामुदायिक विद्यालयहरुले  सरकारको निर्देशनको अवज्ञा गर्दे मनलाग्दी ढंगबाट  शुल्क बृद्धिको गरि अभिभावकको ढाड सेक्ने काम गरेकोले शुल्क बृद्धि सच्याउन   ४८ घण्टाको अल्टिमेटम   दिईएको र  मुल्य नघटाए  सम्पुर्ण विद्यालयहरुलाई भौतिक कारवाही गरिने नेपाल विद्यार्थी संघका जिल्ला अध्यक्ष राजु खतिवडाले बताए । 
पत्रकार सम्मेलनमा बोल्दै राप्रविसका प्रकाश चौँलागाईले  विद्यालय हाताभित्र शिक्षा बाहेकका अन्य शैक्षिक सामग्रीको ब्यापार बन्द गर्नुपर्ने, सरोकारवालाहरुसँग सल्लाह गरि छात्राबृत्ति ब्यवस्थापन गरीएकाले   ४८ घण्टाको अल्टिमेटम   दिईएका बताए । पत्रकार सम्मेलनमा अनेरास्ववियुका मकवानपुर जिल्ला संयोजक किसन घिसिङ, अखिल क्रान्तिकारीका मकवानपुर अध्यक्ष दिनेश सुवेदी लगायतकाको सहभागिता रहेको थियो ।