प्रदेश राजधानी अध्ययन गर्न गठित समितिको विरोध

१५ बैशाख, हेटौँडा । ३ नम्बर प्रदेशको राजधानी बारे सम्भाव्यता अध्ययनका लागि प्रदेशसभाबाट गठित समितिबारे विरोध भएको छ । जन सरोकार केन्द्र, मकवानपुरले प्रदेशसभाबाट गठन भएको समितिको विरोध गरेको हो ।

केन्द्रका अध्यक्ष धु्रवप्रसाद चौलागाईद्वारा जारी विज्ञप्तिमा  बिज्ञ र मकवानपुरका प्रदेशसभा सदस्य नरहेको ३ नम्बर प्रदेशको राजधानी सम्भाव्यता अध्ययन समिति अस्वीकार्य रहेको जनाईएको छ । विज्ञप्तिमा नेपालको संविधान २०७२ को धारा २८८९३० बमोजिम हेटौडामा तोकिएको ३ नम्बर प्रदेशको राजधानिलाई विवादित बनाउने गरि राजधानीको सम्भाव्यता अध्ययन गर्ने भनि समिति निर्माण हुनु हेटौडाको बिकल्प खोजिनु भएकोले यो बिषयमा केन्द्रको गम्भिर असहमति रहेको जनाईएको छ । सम्भाव्यता अध्ययन गर्ने कुरा बिषय बिज्ञहरुबाट हुनु पर्नेमा प्रदेशसभा सदस्यहरुलाई मात्रै समितिमा राख्ने कुराले सत्य तथ्य अध्ययन हुन सक्दैन की भन्ने आशंका रहेको केन्द्रको भनाई छ ।

३ नम्बर प्रदेश राजधानीको सम्भाव्यता अध्ययन गर्ने समितिमा राजधानी रहेको मकवानपुर जिल्लावाट एक जना पनि प्रदेशसभा सदस्य नपर्नुले समिति अधुरो समेत रहेको र यसले गर्ने अध्ययनको निष्पक्षतामा समेत शंका रहने हुनाले बिषय बिज्ञहरु र मकवानपुर जिल्लाका सभासद समेत पर्ने गरि राजधानी सम्भाव्यता अध्ययन समिति वनाउन सम्बन्धित निकाएको ध्यानाकर्षण गराईएको विज्ञप्तिमा उल्लेख छ ।