किसानको जीवनस्तर उठेमात्रै देश समृद्ध : विडारी

१५ बैशाख, हेटौँडा । किसानको जीवनस्तर माथि उठ्न नसकेसम्म देशको समृद्धि परिकल्पना गर्न नसकिने राष्ट्रिय सभा सदस्य रामनारायण विडारीले बताएका छन् । 
अखिल नेपाल किसान महासंघ क्रान्तिकारी केन्द्र हेटाँैडा उपमहानगर सम्मेलनमा बोल्दै विडारीले किसानहरुको जीवनस्तर उकास्न कृषिमा आधुनिकिकरणमा जोड दिए । कार्यक्रममा प्रदेश ३ का प्रदेशसभा सदस्य एवं माओवादी केन्द्र जिल्ला संयोजक प्रेम बहादुर पुलामीले किसानका जल्दा बल्दा समस्यालाई समाधान गरेमात्रै कृषि क्षेत्रमा फड्को मार्न सकिने बताए । अखिल नेपाल किसान महासंघ क्रान्तिकारी केन्द्रको आयोजनामा भएको कार्यक्रममा नगर सम्मेलन संयोजक एवम् केन्द्रिय सचिवालय सदस्य सम्राट तुम्बाहाम्बेको अध्यक्षता रहेको थियो । 
सम्मेलनले कमल पौडेलको अध्यक्षतामा २१ सदस्यीय नगर कमिटि समेत गठन भएको छ । उपाध्यक्षमा गोपि माया अधिकारी, सचिवमा प्रेमनारायण गौतम, कोषाध्यक्षमा रामबहादुर तितुङ लगायत चयन भएका छन् । कार्यक्रममा अखिल नेपाल किसान महासंघका केन्द्रिय सचिवालय सदस्य एवम् जिल्ला ईन्चार्ज रामहरी सुवेदी, नेकपा माओवादी नगरकमिटि अध्यक्ष ललित घलान, अखिल किसान महासंघका केन्द्रिय सदस्य गंगा श्रेष्ठ लगायतले मन्तव्य व्यक्त गरेका थिए ।