विवादकाविच कांग्रेसको उपसभापतिमा निधि मनोनित

२१ बैशाख, हेटौँडा । नेपाली कांग्रेसका सभापति शेरबहादुर देउवाले विवादकाबीच पार्टीको उपसभापतिमा विमलन्द्र निधिलाई मनोनित गरेका छन् । देउवाले उपसभापतिमा विमलेन्द्र निधि सहित महामन्त्रीमा पूर्णबहादुर खड्का र सह–महामन्त्रीमा डाक्टर प्रकाशशरण महतलाई मनोनित गरेका हुन् । 
यता देउवाले एकलौटी रुपमा पदाधिकारी मनोनयन गरेको भन्दै रामचन्द्र पौडेल पक्षका नेताले केन्द्रीय कार्य समिति बैठक बहिस्कार गरेका छन् । रिक्त पदाधिकारी मनोनयन बारे छलफल गर्न पार्टी केन्द्रीय कार्यालय सानेपामा बसेको कांग्रेसका निर्वाचित पदाधिकारी एवं सदस्यको बैठकमा सभापति शेरबहादुर देउवाले मनोनित पदाधिकारीको नाम पेस गरे पछि पौडेल पक्षधर बैठक बहिस्कार गरेर बाहिरिएका थिए । 
कांग्रेसको विधानको दफा २१ मा ८५ सदस्यीय केन्द्रीय समिति गठनको व्यवस्था छ । त्यसमध्ये एक सभापति, एक महामन्त्री र एक कोषाध्यक्षसहित ६४ जना निर्वाचित हुने र बाँकी सभापतिले मनोनयन गर्ने प्रावधान छ ।
देउवाले तीन जना नै आफू पक्षबाट मनोनति गरेपछि पौडेल पक्ष आक्रोशित बनेको हो । पौडेलसहित उनी पक्षका नेताहरुले बैठक बहिष्कार गरे पनि बैठकमा पेश भएको नाम अनुमोदन भएको पार्टीका प्रवक्ता विश्वप्रकाश शर्माले जानकारी दिए ।