चलचित्र पत्रकार संघ मकवानपुरले चार जनालाई सम्मान गर्ने

२१ बैशाख, हेटौँडा । चलचित्र पत्रकार संघ मकवानपुरले चलचित्र पत्रकारीता दिवसको अवसरमा आगामी जेष्ठ ७ गते २ जना पत्रकार र २ जना कलाकार गरी चार जनालाई चलचित्र र कलाकारीता पत्रकारीता पुरस्कारले सम्मान गर्ने भएको छ  ।  

चलचित्र पत्रकार संघ मकवानपुरले शुक्रबार हेटौँडामा  पत्रकार भेटघाटको आयोजना गर्दै   संघले यो बर्ष चलचित्र पत्रकारीता पुरस्कारबाट जनता टेलिभिजनमा कार्यरत पत्रकार रामकुमार एलनलाई  नगद ५ हजार सहित सम्मान गर्ने  र दास्रो राष्ट्रिय चलचित्र पत्रकारीता सम्मान २०७५ बाट राजधानी दैनिकमा कार्यरत चलचित्र पत्रका डब्बु क्षेत्रिलाई नगद ११ हजार १ सय ११ रुपैयासहित सम्मान गरिने जनाएको छ । 
त्यसैगरी छौठौ  चलचित्र कलाकारीता सम्मानबाट  नायिका निता ढुंगाना र कलाकार शुसान्त श्रेष्ठलाई सम्मान गरिने चलचित्र पत्रकार संघ मकवानपुरका अध्यक्ष मणिराज गौतमले बताए   । 
चलचित्र पत्रकार संघ मकवानपुरका अध्यक्ष मणिराज गौतमको सभाध्यक्षतामा सम्पन्न  पत्रकार भेटघाट कार्यक्रममा नेपाल पत्रकार महासंघका पुर्व केन्द्रिय  सदस्य प्रताप विष्ट, नेपाल पत्रकार महासंघ मकवानपुरका पुर्व अध्यक्ष राममणी दाहाल, नेपाल पत्रकार महासंघ मकवानपुरका  अध्यक्ष हरी हुमागाई, प्रेस युनियन मकवानपुरका अध्यक्ष रुपेश दुलाल, चलचित्र पत्रकार संघ मकवानपुरका उपाध्यक्ष प्रकाश दाहाल लगायत अन्य संचारकर्मीहरुको सहभागिता रहेको थियो ।