प्रधानमन्त्री कप एकदिवसीय क्रिकेट प्रतियोगिता हुने 

२७ बैशाख, हेटौँडा । राष्ट्रिय खेलकुद परिषद (राखेप)को आयोजनामा राजधानीमा पहिलो प्रधानमन्त्री कप अन्तरप्रदेश एकदिवसीय क्रिकेट प्रतियोगिता हुने भएको छ । 
आगामी जेठ १३ देखि २८ गतेसम्म कीर्तिपुरस्थित त्रिवि क्रिकेट मैदान र मूलपानी क्रिकेट मैदानमा हुने प्रतियोगितामा सातओटा प्रदेश र तीन विभागीय टोली गरी कुल १० टोलीले सहभागिता जनाउने राखेपले जनाएको छ ।
बिहीबार राजधानीमा प्रतियोगितासम्बन्धी जानकारी दिन आयोजित कार्यक्रममा बोल्दै राखेपका सदस्यसचिव केशवकुमार बिष्टले नेपाली राष्ट्रिय क्रिकेट टोलीले पाएको एकदिवसीय अन्तर्राष्ट्रिय मान्यता जोगाइराख्न घरेलु एकदिवसीय प्रतियोगिताहरु आवश्यक रहेका बेला क्यान प्रतिबन्धमा परेका कारण राखेपको अगुवाइमा प्रतियोगिता गर्न लागेको बताए । 
प्रतियोगिता अन्तर्गत समूह एमा आर्मी, सशस्त्र प्रहरी क्लब र प्रदेश १, २ र ४ रहेका छन् भने समूह बीमा पुलिससँगै प्रदेश ३, ५, ६ र ७ रहेका छन् । प्रतियोगिताको जिनेताले २० लाख र उपविजेताले १० लाख पाउनेछ । म्यान अफ दि सिरिजले १ लाख र उत्कृष्ट ब्याट्सम्यान र बलरले ५०÷५० हजार पाउनेछन् । 
प्रतियोगिताका खेलहरु त्रिवि क्रिकेट मैदान कीर्तिपुर र मूलपानी क्रिकेट मैदानमा हुने ।