श्रमिकमा पुन : लम्साल

भीमसेन पौडेल
७ असोज, चौघडा । मकवानपुरगढी –६ मक्रान्चुलीमा रहेको श्रमिक साना किसान कृषि सहकारी संस्था लि. को अध्यक्षमा पुनः निर्मलाकुमारी लम्साल सर्वसम्मत अध्यक्षमा चयन हुनु भएको छ । संस्थाको आज भएको चौथो वार्षिक साधारण सभाले लम्सालको अध्यक्षतामा ९ सदस्यीय सञ्चालक समिति चयन गरेको हो ।

उपाध्यक्षमा मानकुमारी पाख्रिन, सदस्यहरुमा मनकुमारी बल,सकुन्लता गिरी, सुनिताकुमारी लुङवा, मञ्जु योञ्जन, कुमारी गोङवा, भुवनकुमारी तिमल्सिना र सरला थापा चयन हुनु भएको छ । यसैगरी राधिका सापकोटाको संयोजकत्वमा ३ सदस्यीय लेखा समिती चयन गरेको छ । सदस्यमा कृष्णमाया पाख्रिन र कल्पनाकुमारी गौतम रहेका छन् । 

साधारण सभामा संंस्थाको विकासमा महत्वपूर्ण सहयोग गर्ने जिल्ला कृषि सहकारी संघका अध्यक्ष एकराज उप्रेती र सहायक प्रवन्धक ज्योती सुवेदीलाई दोसल्ला ओढाएर सम्मान गरिएको थियो । यसैगरी ज्येष्ठ सदस्य सानुकान्छी थोकर, असली कारोवारी मनमाया भोम्जन, राजकुमारी रुम्वा लगायतकालाई समेत सम्मान गरिएको थियो । जिल्ला सहकारी संघका अध्यक्ष बद्रीप्रसाद लम्सालको प्रमुख आतिथ्यता एवम संस्थाकी अध्यक्ष निर्मलाकुमारी लम्सालको अध्यक्षतामा साधारण सभा भएको थियो ।

साधारण सभामा डिभिजन सहकारी कार्यालयका प्रमुख तिलकराम पोखरेल, जिल्ला कृषि सहकारी संघका अध्यक्ष  एकराज उप्रती, जिल्ला बचत तथा ऋण सहकारी संघकी सचिव कल्पना श्रेष्ठ,चुच्चेखोला सामुदायिक वनका अध्यक्ष अर्जुन दाहाल,नेपाल रेडक्रस सोसाईटी गढीका सभापति रामप्रसाद घिमिरे, पशु सेवा उपकेन्द्र चौघडाका प्रमुख उत्तम लाल दासले शुभकामना मन्तव्य व्यक्त गरेका थिए ।