२९८ प्रहरी बढुवामा मकवानपुरका १६ 

सिर्जना नेपाल
३० बैशाख, हेटौँडा । प्रहरी प्रधान कार्यालयले २ सय ९८ प्रहरी हवल्दारको बढुवा गर्दा मकवानपुरका १६ जना परेका छन् । मकवानपुरका विभिन्न प्रहरी इकाईमा कार्यरत १६ जना प्रहरी हवल्दार प्रहरी सहायक निरीक्षक (असई) मा बढुवा भएका हुन् ।

बढुवा हुनेमा क्षेत्रीय शसस्त्र प्रहरी गण मुख्य कार्यालय हेटौडामा कार्यरत रास नारायण राय, वडा प्रहरी कार्यालय मकवानपुरमा कार्यरत रित्तजिवि खत्री , बिनोद बहादुर थापा , लिलानाथ मिश्र र प्रमोद प्रसाद शाह रहेका छन् । यस्तै मध्य क्षेत्रीय दङ्गा नियन्त्रण प्रहरी गण हेटौडामा कार्यरत सिकिन्द्र शाह, महोमद जमाई अलि, राम कुमार प्रसाद, रजाक मिया, जिल्ला ट्राफिक कार्यालय मकवानपुरमा कार्यरत अक्ष्यलाल महत्तो रहेका छन् । 

त्यस्तै, बढुवा सिफारीस सुचिमा ट्राफिक कार्यालय सुनाचुरी मकवानपुरमा कार्यरत ठाकुर प्रसाद भट्टराई, प्रहरी चौकी ठुलोदमारमा कार्यरत रामराज कुशवाह, क्षेत्रीय शसस्त्र प्रहरी गण गुल्म हेटौडामा कार्यरत तेजिलाल साह कानु, ईलाका प्रहरी कार्यालय ठिंगनमा कार्यरत भरत ठाकुर, ईलाका प्रहरी कार्यालय पालुङमा कार्यरत सुशिला खरेल र  क्षेत्रीय शसस्त्र प्रहरी गण नम्वर ३ मुका हेटौडाका मनोज कुमार तिवारी रहेका छन् ।