मकवानपुर प्रहरीद्धारा घरेलु मदिरा ,गोरु बोकेको ट्रक नियन्त्रणमा

३ जेठ, हेटौँडा । जिल्ला प्रहरी कार्यालय मकवानपुरले  बिहिबार विभिन्न स्थानबाट  अवैध घरेलु मदिरा, राजस्व छलिको कपडा, सार्वजनिक मुद्दाका २ प्रतिवादी सहित  गोरु बोकेको ट्रक  नियन्त्रणमा लिएको छ ।
प्रहरीले महेन्द्र राजमार्ग अन्तर्गत  मनहरी गाउँपालिका ७ मा चेकजाँच गर्नेक्रममा हेटौंडा हुँदै झापातर्फ जादै गरेको  ६ वटा ट्रकहरुबाट १ सय ४७ वटा गोरु पक्राउ गरेको छ । झापातर्फ जादै गरेको ना ६ ख ६१६ , ना ३ ख ५६१५ , ना ६ ख ४०३४ , ना ६ ख ४७५८ , ना ४ ख ७४७५, ना ६ ख ६९७ , ना ६ ख २२११ नम्बरको कुल  ६ वटा ट्रकहरुमा लोड गरेको १ सय ४७ वटा गोरु कागजात विनाको फेला परेकोले पक्राउ गरी आवश्यक कारवाहीको लागि पशु क्वारेन्टाईन चेक पोष्ट पथलैया बारामा पठाईएको मकवानपुर प्रहरीले जनाएको छ । 
त्यसैगरी हेटौंडा नगरको  विभिन्न स्थानबाट प्रहरीले ३ सय लिटर अवैध मदिरा वरामद गरेको छ । प्रहरीले मनहरी गाउँपालिका ५ का बीरेन्द्र मगरको घरबाट १ सय लिटर, हेटौंडा १८ का विभिन्न होटलबाट ६० लिटर र मदिरा बनाउने १८ वटा ड्रम, हेटौंडा १ बाट ना १ ह ७०२३ नम्बर अटोबाट २० लिटर र अटो, मनहरी बजार एरियाबाट ८० लिटर, मनहरी ६ बाट २५ लिटर, हेटोंडा १९ दारिमटारबाट ५० लिटर अवैध घरेलु मदिरा बरामद गरेको मकवानपुर प्रहरी प्रवक्त डिएसपी दिलिप राज झाले बताएका छन  ।
त्यसैगरी प्रहरीले  मनहरी गाउँपालिका ६ मा  हेटौंडाबाट नारायणगढ तर्फ जादै गरेको  बसमा चेकजाँच गर्दा  १ लाख ४८ हजार पर्ने राजस्व छली ल्याएको  कुर्ता सुरुवालका  कपडा बरामद  गरेको छ भने सार्वजनिक अपराधमा फरार २ जना प्रतिवादीलाई  पक्राउ गरेको छ ।  सार्वजनिक मुद्दामा ३ हजार जरिवाना तोकिएका चित्लाङ १ का २६ वर्षिय सुनिल लामा र चित्लाङ २ बस्ने २५ वर्षिय रामकृष्ण थोकरलाई पक्राउ गरी   जिल्ला अदालत मकवानपुरमा जरिवाना तिराई छाडिएको  डिएसपी झाले बताए  ।