संगठन र विकास निर्माणमा लाग्नुस्ः नेता बानियाँ

४ जेठ ,हेटौडा । नेपाली काँग्रेस मकवानपुरका सभापति एवं ३ नम्बर प्रदेश संसदीय दलका नेता ईन्द्रबहादुर बानियाँले अबका दिनमा पार्टीको संगठन र जनतासंग प्रत्यक्ष सहभागी भएर जनताले अनुभूत गर्नेगरी विकास निर्माण लाग्न नेता कार्यकर्तालाई निर्देशन दिएका छन्  ।
नेपाली काँग्रेस ४ नम्बर क्षेत्रीय कार्यसमितिले  आयोजना गरेको   अन्र्तक्रिया कार्यक्रमलाई सम्बोधन गर्दै नेता बानियाँले  ४ नम्बर क्षेत्रमा स्थानीय निर्वाचनमा काँग्रेसका तर्फबाट उम्मेदवारी दिएका उम्मेदवारहरु, जनप्रतिनिधि र नेता कार्यकर्तालाई जनताले प्रत्यक्ष अनुभूति गर्नेगरी विकास निर्माणका कार्यमा संलग्न हुन   निर्देशन दिएका हुन् ।
मकवानपुर  ४ नम्बर क्षेत्रका क्षेत्रीय सभापति लोक मुक्तानको सभाध्यक्षतामा भएको अन्र्तक्रिया कार्यक्रममा  पार्टी सचिव बुद्ध लामा,  पार्टी सल्लाहकार भरत पराजुली, प्रदेशसभा सदस्य सन्तबहादुर चेपाङलगायत स्थानीय निर्वाचनमा गाउँपालिकामा उम्मेदवारी दिएका अध्यक्ष ,उपाध्यक्ष, वडा अध्यक्षका उम्मेदवारहरु तथा निर्वाचित जनप्रतिनिधिहरुले पार्टीको क्षेत्रमा रहेको अवस्थाका बारेमा बोलेका थियो ।
कार्यक्रममा ४ नम्बर क्षेत्रका जिल्ला सदस्यहरु, महाधिबेशन प्रतिनिधि, साविक गाविसहरुका नेता तथा कार्यकर्ताको उल्लेखीय  उपस्तिथि रहेको थियो ।