नीतिगत भ्रष्टाचार रोक्नु आवश्यक

५ जेठ, हेटौँडा । शासन प्रणालीमा रहेको नीतिगत भ्रष्टाचार रोक्न सकेमात्रै देशमा रहेको भ्रष्टाचार रोक्न सकिने आज हेटौँडामा आयोजित कार्यक्रमका वक्ताहरुले जोड दिएका छन् ।
ससदिय मामिला अध्ययन तथा अनुसन्धान समाज र ३ नम्बर प्रदेश सार्वजनिक लेखा समितिले गरेको प्रदेश सार्वजनिक लेखा समितिको काम कर्तव्य र अधिकार विषयक अन्तरक्रियाका वक्ताहरुले विगतमा भएका नीतिगत भ्रष्टचारबाट पाठ सिकेर प्रदेश सरकारले नीतिगत भ्रष्टाचारको अन्त्यका लागि आप्mनो क्षेत्रबाट प्रयास गर्नुपर्नेमा जोड दिए । 
३ नम्बर प्रदेश सभामुख सानुकुमार श्रेष्ठले भ्रष्टाचार आर्थिक समृद्धिको प्रमुख अवरोध भएको भन्दै यसको न्यूनिकरणका लागि सार्वजनिक लेखा समितिले नीतिगत ढंगबाट हुने भ्रष्टाचारमा पनि औला ठड्याउनु पर्नेमा जोड दिए । कार्यक्रममा ३ नम्बर प्रदेशका आर्थिक मामिला तथा योजना मन्त्री कैलाश ढुङ्गेल, प्रमुख प्रतिपक्षी दलका देता इन्द्रबहादुर बानियाँ, समितिका सभापति न्हुच्छे नारायण श्रेष्ठ, सदस्य दीपक निरौलाले नीतिगत भ्रष्टाचार र आर्थिक अपारदर्शिता अन्त्यका लागि प्रदेश सरकारले काम गर्नुपर्नेमा जोड दिएका थिए । 
कार्यक्रममा पूर्व सचिव सोम बहादुर थापा, पूर्व उपमहालेखा परीक्षक खेमप्रसाद दाहाल, चार्टड एकाउन्टेन्ट जीवन पौडेल र पूर्व सचिव श्रीधर सापकोटा, पूर्व लेखा समिति सदस्य विरोध खतिवडाले सहजिकरण गरेका थिए ।