चलचित्र पत्रकारिता दिवसमा ४ सम्मानित

८ जेठ, हेटौँडा । चलचित्र पत्रकारिता दिवसको अवसरमा चलचित्र पत्रकार संघ मकवानपुरले हेटौँडामा ४ जनालाई सम्मानित गरेको छ । सम्मानित हुनेमा २  पत्रकार र २ कलाकार रहेका छन् ।

संघले ‘राष्ट्रिय चलचित्र पत्रकारिता सम्मान–२०७५’ बाट राजधानी दैनिकका डब्बु क्षेत्रीलाई नगद ११ हजार १ सय ११ रुपैयाँसहित सम्मान गरेको छ । ‘चलचित्र पत्रकारिता पुरस्कार–२०७५’ बाट जनता टेलिभिजनका रामकुमार एलनलाई नगद ५ हजार रुपैँयासहित सम्मान गरेको छ । संघले ‘कलाकारिता सम्मान’बाट नायिका निता ढुंगाना र कलाकार सुशान्त श्रेष्ठलाई सम्मान गरेको छ ।

कार्यक्रममा चलचित्र पत्रकार संघका निबर्तामान अध्यक्ष शान्तिप्रिय, चलचित्र विकास बोर्डका सदस्य नरेन्द्र महर्जन, जिल्ला युवा समितिका अध्यक्ष सन्तोष चौलागाई, निर्माण ब्यबसायी संघका अध्यक्ष आनन्दराम पराजुली, उद्योग संघका अध्यक्ष नवराज अर्याल, चलचित्र निर्देशक समाजका निबर्तमान उपाध्यक्ष सुमन दाहाल, नेपाल पत्रकार महासंघ ३ नम्बर प्रदेशका महासचिव कृष्ण सारु मगर, जिल्ला अध्यक्ष हरी हुमागाई लगायतले मन्तव्य व्यक्त गरेका थिए । 

कार्यक्रममा मकवानपुरका चलचित्र पत्रकारसहित विभिन्न जिल्लाका चलचित्र पत्रकारहरुको उपस्थिति रहेको थियो । ३ नम्बर प्र्रदेश प्रमुख प्रतिप्रक्ष दलका नेता ईन्द्र्रबहादुर बानियाँको प्र्रमुख आतिथ्यता एवं चलचित्र पत्रकार संघ मकवानपुरका अध्यक्ष मणिराज गौतमको अध्यक्षतामा कार्यक्रम भएको थियो ।