शिक्षक भलिबल तथा म्युजिकल चियर प्रतियोगिता हुने

२२ जेठ, हेटौँडा । मदन भण्डारी स्र्पोट्स एकेडेमी विद्यालय खेलकुद शिक्षक संघको आयोजनामा असार २५ गते खुल्ला पुरुष शिक्षक भलिवल प्रतियोगिता हुने भएको छ ।
संघले आज हेटौँडामा पत्रकार सम्मेलनको आयोजना गरि भलिवल तथा असार १ गते हुने महिला शिक्षक म्युजिकल चियर प्रतियोगिताको बारेमा जानकारी दिएको हो । पत्रकार सम्मेलनमा बोल्दै मदन भण्डारी स्र्पोट्स एकेडेमी विद्यालय खेलकुद शिक्षक संघका अध्यक्ष राजाराम पोखरेलले आउँदो जेठ २५ गते विहान हेटौँडाको हुप्रचौरमा शिक्षक भलिबल प्रतियोगिताको आयोजना हुने बताए । नक आउट प्रतियोगितामा २५ वटा टिमहरुको सहभागिता हुने उनको भनाई रहेको छ । प्रतियोगितामा प्रथम हुनेलाई नगद ५ हजार सहित शिल्ड, मेडल तथा प्रमाणपत्र, द्वितिय हुनेलाइ ३ हजार नगद तथा शिल्ड, मेडल र प्रमाणपत्र दिईने उनले बताए ।
असार १ गते हुने महिला शिक्षक म्युजिकल चियर प्रतियोगितामा पनि प्रथम, द्वितिय तथा तृतिय हुनेलाई नगद ३ हजार, २ हजार तथा एक हजार र मेडल तथा प्रमाणपत्र दिईने पत्रकार सम्मेलनमा जानकारी दिईएको छ । पत्रकार सम्मेलनमा मदन भण्डारी स्र्पोट्स एकेडेमीका केन्द्रीय सदस्य नविन सिग्देल, मदन भण्डारी स्र्पोट्स एकेडेमी विद्यालय खेलकुद शिक्षक संघका केन्द्रीय सहसचिव सचिन लामा, जिल्ला सचिव नविन मिश्र लगाएतको सहभागिता रहेको थियो ।