पृतनापति ट्रफिमा फुटबल, भलिबल र पौडी सम्पन्न

२५ जेठ, हेटौँडा । हेटौँडामा जारी पृतनापति ट्रफि खेलकुद प्रतियागितामा शनिबार फुटबल, भलिबल र पौडीका विभिन्न स्पर्धा सम्पन्न भएका छन् । प्रतियोगिता अन्तरगत भएको फुटबल खेलमा देविदत्त गणले नन्दावक्स गणलाई ३–२ गोल अन्तरले पराजित भएको छ । जितसंगै देवदत्त गण तेस्रो भएको छ । त्यसैगरी, देविदत्त गण र कालिबहादुर गणबीच भएको भलिबल खेलमा देविदत्त गण ३–२ ले विजयी भए प्रथम भएको छ ।
पौडीतर्फ २०० मिटर फ्रि स्टाईलमा ९ नम्बर बाहिनिका दिलिप थापा मगर पहिलो, बाहिनी अड्डाका सुरेश धामी दोस्रो र ९ नम्बर बाहिनीकै राजकुमार खाँ तेस्रो भएका छन् । १०० मिटर व्याक स्ट्रोकतर्फ ७ नम्बर बाहिनीका दाताराम पराजुली पहिलो, ९ नम्बर बाहिनीकै रमेश राई दोस्रो र ९ नम्बर बाहिनिकै भीमसेन पन्त तेस्रो भए । १०० मिटर बेष्ट स्ट्रोकतर्फ ७ नम्बर बाहिनिका टिकाराम पुन पहिलो, ९ नम्बर बाहिनीका जितेन्द्र थापा दोस्रो र ७ नम्बर बाहिनीका सुरेश गुरुङ तेस्रो भएका छन् ।
१०० मिटर फ्रि स्टाईलमा ७ नम्बर बाहिनिका दिलिप थापा मगर पहिलो, सुरेश धामी देस्रो र ७ नम्बर बाहिनीकै लेखना बोटे तेस्रो भएका छन् । प्रतियोगिता अन्तरगत १०० मिटर बटरफ्लाईतर्फ ७ नम्बर बाहिनिका राजिबकुमार गुरुङ पहिलो, चिरिञ्जिवी थापा दोस्रो र ९ नम्बर बाहिनीका कालिदास कुमाल तेस्रो भएका छन् । ५० मिटर बटरफ्लाईतर्फ ७ नम्बर बाहिनीका दिलिप थापा मगर पहिलो, ९ नम्बर बाहिनिका कालिदास कुमार दोस्रो र ७ नम्बर बाहिनीका राजिवकुमार गुरुङ तेस्रो भएका छन् ।
४ गुणा १०० मिटर मिडले रिलेतर्फ ७ नम्बर बाहिनीका राजिबकुमार गुरुङ, दाताराम पराजुली, दिलिप थापा मगर र टिकाराम पुनको टोली पहिलो र ९ नम्बर बाहिनीका विष्णुबहादुर बोटे, जितेन्द्र थापा, रमेश राई र सुरेश धामीको टोली दोस्रो भएको छ ।