हिमाल महिलाको वार्षिकोत्सवमा सम्मानित

२६ जेठ, हेटौंडा । मकवानपुरगढी–३,मक्रान्चुलीमा रहेको हिमाल महिला बहुउद्धेश्यीय सहकारी संस्थाको २० औं वार्षिक उत्सव कार्यक्रममा दर्जन बढीलाई सम्मान गरिएको छ ।
प्रदेश नम्बर ३ सामाजिक मन्त्रालयकी दुर्गा घिमिरे,महिला तथा बालबालिका कार्यालय, मकवानपुरगढीकी प्रमुख मन्दिरा थापा, संस्थाकी पूर्वअध्यक्षहरु सोविता पोखरेल,निर्मला लम्साल,भीमकुमारी न्यौपाने,ज्येष्ठ सदस्य शिवमाया संजेल,साईलीमाया लो, सरस्वती सञ्जेल, गंगा अधिकारी र कान्छीमाया वाईवालाई दोसल्ला ओढाएर सम्मान गरिएको थियो ।
यसैगरी असली कारोवारी सुकमाया गोले, असली बचतकर्ता नुनकुमारी अधिकारी, बालबचत तर्फ प्रकृति घिमिरेलाई सम्मान गरिएको थियो । बेसार खेतीमा अम्विका पराजुली, पाठापाठी साटासाटमा मुक्तकुमारी अधिकारी,राधिका हुमागाई,सावित्री लम्साल र प्रवेशिका परीक्षामा उत्कृष्ठ अंक ल्याउने नवराज अधिकारी र जयन्ती दाहाललाई पनि सम्मान गरिएको थियो ।
मकवानपुरगढी गाउँपािलकाका अध्यक्ष विदुर हुमागाईको प्रमुख आतिथ्यता एवम सहकारीकी अध्यक्ष जानुका दाहालको अध्यक्षतामा कार्यक्रम भएको थियो । कार्यक्रममा मकवानपुर जिल्ला बहुउद्धेश्यीय सहकारी संघका अध्यक्ष रामहरी न्यौपाने, सिर्जनशिल समाज सहकारीका अध्यक्ष कृष्ण विडारी, सामुदायिक सेवा केन्द्रका अध्यक्ष तेजप्रसाद लम्साल, नेपाल बंगालदेश बैकका निरजकुमार चटौत, महिला जागरण सहकारीकी उपाध्यक्ष अनिता सापकोटा, संस्थाकी व्यवस्थापक शुभद्रा घिमिरे, संचारकर्मी भीमसेन पौडेल लगायतकाले मन्तव्य व्यक्त गरेका थिए ।