भरुवा बन्दुक र डाइजोपाम,फेनार्गन सहित ३ जना पक्राउ

भरुवा बन्दुक र गाजा सहित पक्राउ परेका जिम्बा

२७ जेठ, हेटौँडा । मकवानपुर प्रहरीले  भरुवा बन्दुक सहित एक जना र  डाइजोपाम,फेनार्गन  सहित  २ जनालाई पक्राउ गरेको छ । 

आइतबार प्रहरी चौकी हटीया मकवानपुरबाट प्रसनि हिरा लाल श्रेष्ठको कमाण्डमा खटि गएको प्रहरी टोलीले  बकैया गाउँपालिका ६ का  ४० बर्षीय सन्त जिम्बाको घरबाट एकनाल भरुवा बन्दुक र २९ किलो .२०० ग्राम गाँजा समेत बरामद गरिएको मकवानपुरका प्रहरी उपरीक्षक लोकेन्द्र श्रेष्ठले जानकारी दिए । 
    
त्यसैगरी  आइतबारनै जिल्ला प्रहरी कार्यालय मकवानपुरबाट प्रहरी निरीक्षक मधु कुमार थापाको कमाण्डमा खटि गएको प्रहरी टोलिले हेटौंडा बसपार्कबाट नुवाकोट बखगाउँ गाउपालिका  ८ घर भएका ३९ बर्षया अर्जुन बहादुर प्याकुरेल र र रामेछाप रसनालु गाउपलिका  ५ घर भएका  २७ बर्षया उमेश खत्रीलाई लागू औषध डाइजोपाम, फेनार्गन सहित  पक्राउ गरेको  उपरीक्षक श्रेष्ठले बताए । प्रहरीले बिरगञ्जबाट काठमाण्डौ तर्फ जाँदै गरेको ना १ ज ७३११ नम्बर को सुमोलाई  चेकजाँच गर्दा उनिहरुले प्लास्टिकमा  बेरी लुकाई छिपाई ल्याएको लागु औषध ८८ एम्पुल फेनार्गन  ८७  एम्पुल नोरफिन  र  ८९ एम्पुल  डाईजोपाम  गरी जम्मा २६४ एम्पुल सहित  नियन्त्रणमा लिइएको  मकवानपुर प्रहरीले जनाएको छ । पक्राउ परेका प्याकुरेल र खत्री माथी लागु औसद नियन्त्रण ऐन २०३३ बमोजिम र जिम्बा माथी पनि कानुन बमोजिम आवश्यक अनुसन्धान भईरहेको उपरीक्षक श्रेष्ठले बताए ।