चीनसँगको सम्झौताले देशलाई चौतर्फी फाइदा : ओली

१२ असार, काठमाडौं । प्रधानमन्त्री केपी शर्मा ओलीले आफ्नो चीन भ्रमणमा भएका सहमति र सम्झौताले देशलाई चौतर्फी फाइदा पुग्ने बताएका छन् । प्रतिनिधिसभा बैठकमा भ्रमणबारे जानकारी दिंदै ओलीले यस्तो बताएका हुन् ।

प्रतिनिधिसभाको आजको बैठकलाई सम्बोधन गर्दै प्रधानमन्त्री ओलीले चीन भ्रमणका क्रममा भएका सहमति र सम्झौताबारे जानकारी गराएका थिए । उनले आफुले गरेको सहमति र सम्झौताले देशलाई फाइदा पुगेको बताए । चीनसँग रेलमार्ग, उर्जा, जलस्रोतलगायतका विषयमा भएका सहमति भएको समेत जानकारी दिए । प्रधानमन्त्रीले चिनियाँ राष्ट्रपति र प्रधानमन्त्रीलाई नेपाल भ्रमणको निम्तो दिइएको र उच्च चिनियाँ पक्षबाट चाँडै नेपालको भ्रमण हुने विश्वास ओलीको थियो ।  उनले आफु यता वा उता कैति पनि नढल्किने बताउँदै वर्तमान सरकारको  स्पष्ट नीति रहेको दावि गरे ।

वर्तमान सरकार शान्ति र समझदारीको पक्षमा रहेको बताउँदै पञ्चशिल, पारस्परिक लाभ र स्वामिनका आधारमा अघि बढ्ने बताए । उनले  राष्ट्रिय हितलाई हेरेर अन्तर्राष्ट्रिय सम्बन्ध अघि बढाउने समेत बताए । विदेश भ्रमण जानु अघि र गएर फर्किएपछि संसदलाई अवगत गराउनुपर्ने प्रावधान अनुसार ओलीले प्रतिनिधिसभालाई आप्mनो चीन भ्रमणबारे अवगत गराएका हुन् । यसअघि उनले राष्ट्रपति विद्यादेवी भण्डारीलाई भ्रमणबारे अवगत गराएका थिए ।