१४ असार, हेटौँडा । नेपाल प्रेस काउन्सिलसंग जोडिएर पछिल्लो समय भईरहेका घटनाबारे नेपाल प्रेस युनियनले धारणा सार्वजनिक गरेको छ । युनियनका महासचिव अजयबाबु शिवाकोटीले विज्ञप्ति जारी गर्दै काउन्सिलबारे पछिल्लो समय सार्वजनिक भईरहेका घटनाक्रमहरुलाई युनियनले गम्भिरतापूर्वक लिएको जनाएका छन् । विज्ञप्तिमा काउन्सिल इतिहासमै सबैभन्दा बढी बिबादमा तानिएको घटनाहरु नेपाली सञ्चारमाध्यम र सञ्चारकर्मीका लागि सुखद बिषय नभएको जनाईएको छ ।
यस्तो छ विज्ञप्ति
मितिः २०७५।३।१४
प्रेस विज्ञप्ती
प्रेस काउन्सिल नेपालसँग जोडिएर सार्वजनिक भइरहेका पछिल्ला घटनाक्रमहरुलाई नेपाल प्रेस युनियनले गम्भिरतापूर्वक नियालिरहेको छ। सञ्चार क्षेत्रसँग सम्वन्धित अर्ध न्यायिक निकायको रुपमा रहेको प्रेस काउन्सिल इतिहासमै सबैभन्दा बढी बिबादमा तानिएको घटनाहरु नेपाली सञ्चारमाध्यम र सञ्चारकर्मीका लागि सुखद बिषय हैन। यहि बीचमा आम नागरिक तहमा समेत प्रेस काउन्सिलका बारेमा अनेक भ्रम सिर्जना हुने दुखद अवस्था समेत बनेको छ।
प्रेस तथा अभिव्यक्ति स्वतन्त्रताको मुख थुन्ने हतियारको रुपमा प्रयोग हुँदै आएको विद्युतिय कारोवार ऐनका कारण प्रहरीले कार्वाही गर्ने अवस्थाबाट सञ्चारकर्मी र सञ्चारमाध्यका बिषय प्रेस काउन्सिलमा ल्याउने बारेमा विगतमा प्रेस काउन्सिलको भुमिका सह्रानिय छ। प्रेस तथा अभिव्यक्ति स्वतन्त्रताको पक्षमा प्रेस काउन्सिलका नेतृत्व तथा पदाधिकारीहरुको भुमिकाको हामी सम्मान गर्छौ। तर केहि दिनयता नेपाली जनमत नै बाँडिने गरि प्रेस काउन्सिलको पक्ष र विपक्षमा आइरहेका अभिव्यक्ति र टिप्पणीहरुले हामीलाई गम्भिर बनाएको छ। त्यसको प्रतिक्रियामा काउन्सिलका तर्फबाट चालिएका कदमहरुले पनि विगतमा काउन्सिलकै तर्फबाट भए गरिएका अभ्यासहरुलाई खण्डित गर्ने चिन्ता हामीलाई भएको छ।
नेपाल प्रेस युनियन प्रेस काउन्सिललाई वदनाम गराउने कुराको पक्षमा छैन भने कुनै पनि अर्थमा अराजकताको समर्थन पनि गर्दैन। यसको अर्थ शक्तिको प्रयोग गरेर कुनै व्यक्तिको पछि संस्थालाई लगाइ काउन्सिललाई विवादमा तान्नु हुँदैन भन्नेमा पनि युनियन त्यतिकै प्रष्ट छ। यहिबेला काउन्सिलको उजुरीमा देशका विभिन्न भागमा क्रियाशिल पत्रकारहरु र आम नागरिकहरुलाई उनीहरुले सामाजिक सञ्जालमा लेखेका आधारमा पक्राउ गरिएका र गर्न खोजिएको घटनाले समेत हामी गम्भिर भएका छौ। सामाजिक सञ्जाल प्रयोगको सन्दर्भमा समेत नयाँ रहेको हाम्रो समाजमा सबै बिषयको हल प्रहरी प्रसासनको वलमा खोज्ने र तिनलाई विद्युतिय कारोवार ऐन मार्फत कार्वाही गराउन खोज्ने कार्यले काउन्सिलको भुमिकामाथि प्रश्न उठेको छ। सरकार समेत काउन्सिल तथा यसको नेतृत्व तहलाई प्रयोग गरि प्रेस तथा अभिव्यक्ति स्वतन्त्रता कुण्ठित गर्दै निर्देशित लोकतन्त्रतर्फ उद्यत भएको होकी भन्ने आशंका पैदा भएको छ। सामाजिक सञ्जालमा ब्यक्त अभिव्यक्तिसँग जोडिएका सबै बिषयलाई विद्यतिय कारोवार ऐनमार्फत मात्र कार्वाही गर्न खोज्ने प्रवृतीले हामीलाई सहि बाटोतर्फ लैंजादैन भन्नेमा युनियन दृढ छ। तसर्थ प्रेस तथा अभिव्यक्ति स्वतन्त्रताको सम्मान तथा प्रेस काउन्सिलको गरिमालाई कायम राख्न नेपाल प्रेस युनियन काउन्सिल नेतृत्व र सबै सरोकारवालाहरु समक्ष अपिल गर्दछ। धन्यवाद। जय नेपाल।
अजयबाबु शिवाकोटी
महासचिव
१७ बैशाख, हेटौंडा । नेपाली कांग्रेसको युवा दस्ता नेपाल तरुण दलको केन्द्रीय कार्यसमिति भवन निर्माणका लागि तरुण...
१७ बैशाख, काठमाडौं । कलाकार सिपी लोहनीको निधन भएको छ। उनको अन्नपूर्ण न्यूरो अस्पतालमा उपचारको क्रममा निधन भएको...
१७ बैशाख, हेटौंडा । अख्तियार दुरुपयोग अनुसन्धान आयोगले कपिलवस्तुको महाराजगंज नगरपालिका-२ का वडाध्यक्षविरुद्ध...
१७ बैशाख, हेटौंडा । नेपाली बजारमा आज सुनको मूल्य घटेको छ । सोमबार सुनको मूल्य प्रतितोला ४०० रुपैयाँ घटेको हो...
१७ बैशाख, बझाङ । बझाङ-१ (१) मा भएको उपनिर्वाचनमा नेकपा एमालेका उम्मेदवार दमनबहादुर भण्डारी विजयी भएका छन्...
१७ बैशाख, कालिकोट । कालिकोटमा स्काभेटर दुर्घटना हुँदा एक जनाको मृत्यु भएको छ । मृत्यु हुनेमा स्काभेटरका सहचालक...
१७ बैशाख, चैनपुर। बैशाख १५ गते इलाम र बझाङमा सम्पन्न उप- निर्वाचनको मतगणना भइरहेको छ। सोमबार बिहान ८ बजे सम्मको...
१७ बैशाख, दाङ । दाङको राजपुर गाउँपालिका ७ हाडेवासमा २३ घर जलेर नष्ट भएका छन् । आगलागीबाट घर र गोठ जलेर नष्ट भएका...
१७ बैशाख, हेटौंडा । काठमाडौंमा आइतबारदेखि शुरू भएको तेस्रो लगानी सम्मेलन आज पनि जारी रहनेछ । सम्मेलनमा आज...
नेपालमा शैक्षिक बर्ष २०८१ को विद्यालय भर्ना अभियान शुरु भएको छ । मकवानपुरमा पनि विद्यालयहरु विभिन्न...
४ बैशाख, हेटौंडा। हेटौंडा ६ रामनगरमा आगलागी भएको छ, उक्त आगलागी एकजना घाइते भएका छन्। मंगलबार साँझ रामनगर स्थित...
१२ बैशाख, हेटौंडा । बागमती प्रदेश सरकारले वैशाख २४ गते सार्वजनिक बिदा दिने निर्णय गरेको छ । प्रदेश सरकारको बुधवार...
९ बैशाख, हेटौंडा। पूर्व पश्चिम राजमार्ग अन्तर्गत हेटौंडा-१० मा भएको सवारी दुर्घटनामा घाईते व्यक्तिको उपचारको...
४ बैशाख, हेटौंडा। हेटौंडा सहित कैलाश र मकवानपुरगढीका विभिन्न स्थानमा मंगलबार १२ घण्टा विद्युत आपूर्ति...
१० बैशाख, हेटौंडा। सरकारले मंगलबार सार्वजनिक बिदा दिएको छ। कतारका राजा अमिर शेख तमिम बिन हमाद अल थानीको नेपाल...
१२ बैशाख, हेटौंडा। त्रिभुवन राजपथ अन्तर्गत मकवानपुरको भीमफेदी-३ त्रिखण्डी नजिक मोटरसाइकल सुमोसँग ठक्कर खादा...
८ बैशाख, हेटौंडा। हेटौंडा औद्योगिक क्षेत्रमा रहेको कार्टुन उद्योगमा आगलागी भएको छ।आइतबार बिहान हेटौंडा-८ मा...
१४ बैशाख, हेटौंडा । काठमाडौँको न्युरोडबाट एक किलो ८ सय ग्राम सुन र डेढ करोड नगदसहित ७ जना पक्राउ परेका छन् । पक्राउ...