१८ औँ एसियाली खेलकुदः पुरुष फुटबलको तालिका सार्वजनिक

२२ असार, हेटौँडा । आउँदो अगष्ट १८ देखि सेप्टेम्बर २ सम्म इण्डोनेसियामा हुने १८औं एसियाली खेलकुद अन्तर्गत पुरुष फुटबलको खेल तालिका सार्वजनिका भएको छ । 
तालिका अनुसार नेपाल समूह डीमा परेको छ । यस समूहमा नेपालसँगै एसियाली पावरहाउस जापान, भियातनाम र पाकिस्तान रहेक छन् ।
अगष्ट १४ देखि सेप्टेम्बर एकसम्म सञ्चालन हुने पुरुष फुटबलको समूह ए मा आयोजक इण्डोनेसिया, हङकङ, लाओस र चाइनिज ताइपेई छन, समूह बीमा थाइल्याण्ड, उज्वेकिस्तान, बंगलादेश र कतार छन् ।
त्यस्तै सीसमूह सीमा इराक, चीन, पूर्वी टिमोर र सिरिया छन् । समूह  ईमा दक्षिण कोरिया, कीर्गिःतान, मलेसिया र बहराइन छन् । र, समूह एफमा उत्तर कोरिया, साउदी अरब, इरान र म्यानमार छन् ।
एसियाली खेलकुदमा सहभागी २४ टोलीलाई ६ समूहमा विभाजन गरिएको छ । प्रत्येक समूहका शीर्ष दुई टोली अन्तिम १६ मा पुग्नेछन् । त्यस्तै समूहमा तेस्रो भएका ६ मध्ये उत्कृष्ट ४ टोलीले पनि अन्तिम १६ मा स्थान बनाउनेछन् ।
एसियाली खेलकुदमा ओलम्पिक टोली अर्थात २३ वर्ष मूनिका खेलाडीहरु खेल्न पाउँछन् । प्रत्येक टोलीमा बढीमा तीन खेलाडी बढी उमेरका राख्न पाइन्छ ।
यस्तै एसियाली खेलकुदको महिलातर्फको खेलतालिका पनि सार्वजनिक गरिएको छ । सहभागी ११ टोलीलाई तीन समूहमा विभाजन गरिएको छ । महिला फुटबलमा भने नेपालले सहभागिता जनाएको छैन ।