मेयर महतलाई वडा अध्यक्ष सिग्देलको च्यालेन्ज

File Photo

८ साउन, हेटौँडा । हेटौँडा उपमहानगरपालिकाका मेयर हरिबहादुर महतको मंगलबारदेखि स्कूलरोडलाई नो पार्किङ क्षेत्र बनाउने अभियान चकनाचुर भएको छ । नो पार्किङ क्षेत्र बनाउन विहान ६ बजेदेखि नै नगरप्रहरीसहित ट्राफिक र नेपाल प्रहरी तैनाथ गरिएपनि विरोधपछि यो अभियान चकनाचुर भएको हो ।

यसअघि राप्तिरोडलाई नो पार्किङ घोषणा गरेका महत हौसिएर स्कूलरोडलाई पनि त्यसै गर्न खोजेका थिए । मेयरको यो निर्णयलाई ४ नम्बर वडा अ्रध्यक्षले नै च्यालेन्ज गरेका छन् । विरोधपछि वडा अध्यक्ष नविन सिग्देलमा वडामा आप्mनो अधिकार हुने भन्दै पार्किङ यथावत गर्न आग्रह गरेका छन् । व्यवसायी र सर्वसाधारणबाट विरोध भएपछि भएको छलफलमा पार्किङ यथावत राख्ने निर्णय भएको स्कूलरोडका व्यवसायीको भनाई छ ।

यसअघि कायम रहेको विहान ८ बजे अघि र साँझ ७ बजेपछि मात्र ठुला सवारी प्रवेश गर्न दिने निर्णय भने कायम रहेको छ । जिप भने सो सडक भएर आवात जावत गर्न सक्ने छन् । जनताको मत पाएर मेयर बनेका हरिबहादुर महतको अव्यहारिक शैलीका कारण व्यापारीलाई मात्रै नभई सवारी चालकहरुलाई पनि समस्या भएको गुनासो बढिरहेको छ । सडकको एक साईडमा पार्किङ गर्दै यसलाई व्यवस्थित गर्नुपर्नेे आवाज उठेपनि मेयर महतले आप्mनो निर्णय लागु गर्न खोज्दा स्कूलरोडमा उनी आफ्नै पार्टीबाट निर्वाचित वडा अध्यक्षबाट चुनौतिमा परेका छन् ।