सरकारलाई दवाव दिन मकवानपुर काँग्रेसले मंगलबार हेटौँडामा विरोध जुलुस गर्ने 

विरोध कार्यक्रमको जानकारी दिदै नेपाली कांग्रेस मकवानपुरका सभापति बानिया तस्विरः सुनिल/ प्रष्ट खबर

१४ साउन, हेटौँडा । नेपाली कांग्रेस मकवानपुरले   केन्द्रको  निर्देशन अनुसार सरकारलाई दवाव दिन भोलि मंगलबार  हेटौँडामा विरोध जुलुस गर्ने भएको छ । नेपाली कांग्रेस मकवानपुरले सोमबार हेटौडामा पत्रकार सम्मेलनको आयोजना गर्दै यसको जानकारी दिएको हो । पत्रकार सम्मेलनमा नेपाली कांग्रेस मकवानपुरका सभापति एवं तिन नम्बर प्रदेशको प्रतिपक्षी दलका  नेता इन्द्र बहादुर बानियाँले  संविधान बमोजिम संसदमा सभामुख र उपसभामुख फरक दलको हुनुपर्ने व्यवस्था अनुसार गर्न सरकारलाई दबाब दिने  केन्द्रीय कार्यक्रम अन्र्तगत  भोलि  १५ गते मकवानपुरमा पनि विरोध जुलुस आयोजना गरिएको बताए । 
बानियाले  सरकारले असंवैधानिक तवरले विभिन्न निर्णय गरेर जनबिरोधी काम लाई निरन्तरता दिइरहेको भन्दै  संबिधानमा सभामुख र उपसभामुख छुट्टै दलबाट हुनुपर्ने उल्लेख भएपनि सरकारले त्यसलाई  लत्याउदै गम्भिर ढंगले अगाडि बढको भन्दै महङ्गी प्रति सरकार संवेदनशील नभएको भन्दै सरकारको ध्यानाकृष्ट गराउन यो कार्यक्रमको आयोजना गरिएको बताए ।  

थप प्रसंङ्गमा नेता बानियाले  सरकारले कर बृद्धी गरी जनताको ढाड सेकेको र भुकम्प पिडितहरुलाई सरकारले विभिन्न  सेवा सुविधा तथा सहुलियत प्रदान गर्नुको सट्टामा  आवास निर्माणका लागि आवश्यक विभिन्न सामाग्रीहरुमा कर बृद्धि गरी जन्ताको ढाड सेकेकोले  विरोध स्वरूप  मकवानपुरमा विरोध जुलुस गर्न लागिएको बताए ।
पत्रकार सम्मेलनमा  काँग्रेस  केन्द्रिय सदस्य महालक्ष्मी उपाध्याय डिना, प्रमुख सल्लाहकार माईकल रामचन्द्र अर्याल, पुर्व सभापति रघुरमण न्यौपाने, उप–सभापति विष्णु लामिछाने, सचिव बुद्ध लामा  पार्टी नगर सभापति  आनन्दराम पराजुली तरुण विद्यार्थी  लगायत अन्य  पदाधिकारीहरुको उपस्थिति   रहेको थियो ।