फल्स बटम बनाई लैजादै गरेको २ सय तिन केजी गाजा सहित ६ पक्राउ

 १७ साउन,हेटौडा । मकवानपुर प्रहरीले २ सय  ३ केजी गाँजा जिल्लाको फरक फरक स्थानबाट गाजा सहित  ६ जनालाई पक्राउ गरेको छ । 

बिहिबार जिल्ला प्रहरी कार्यालय मकवानपुरले पत्रकार सम्मेलनको आयोजना  गर्दै  यस विषयको जानकारी गराएको हो ।   लागूऔषध नियन्त्रण ब्यूरो र जिल्ला प्रहरी कार्यालयको संयुक्त टोलीले मकवानपुरको मनहरी गाउँपालिका– ९ खरङ्बाट े बीआर आइपी २३४५  भारतीय नम्बर प्लेटको  बोलेरो जीपको सिट तथा हुटको भित्री भागमा लुकाएर    राखिएको ८८.७५० किलोग्राम गाँजा  सहित जिपमा सवार  उदयपुर ताप्ली गाउँपालिका १ पिपलभन्ज्याका ५८ बर्षीय पदम हमाल ठकुरी, सिरहाको धनगढी नगरपालिका– ३ का ३५ बर्षीय सुरेशकुमार महतो, सिरहाको औराही गाउँपालिका– २ का ४४ बर्षीय छेदी दास र मकवानपुरको राक्सिराङ् गाउँपालिका– १ का ४२ बर्षीय कृष्णबहादुर मुक्तान गरी ४ जनालाई  पक्राउ गरीएको  जिप्रकाका निम्ति प्रबक्ता  प्रहरी निरीक्षक मधुकुमार थापाले जानकारी दिए ।   

सिराहा घर भएका जिप  चालक छेदी   लागूऔषध ओसारपसारमा संलग्न भएको  मकवानपुर राक्सिराङ्का  १ का मोक्तान पनि   लागूऔषध  कारोवारी भएको  प्रहरी अनुसन्धानबाट खुलेको थापाले बताए । 

त्यसैगरी  प्रहरीले    बिहीबार विहान  फल्स बटम बनाई गाँजा लुकाएर   लादै गरेको अवस्थामा हेटौँडा उपमहानगर– ११ सरस्वती चोकबाट  ना ३ च ४७६२ नम्बरको  बोलेरो पिकअप  भ्यान र दुई मानिसलाई नियन्त्रणमा लिएको छ । प्रहरीले उक्त भ्यानबाट   ११५  किलोग्राम गाँजासहित दुईजनालाई  पक्राउ गरेको हो  ।   प्रहरीले   सिन्धुली  कमलामाई नगरपालिका– १२ का ३६ बर्षीय दिनेश मगर र सिन्धुपाल्चोक बाह्रबिसे नगरपालिका– ७ का ३१ बर्षीय ज्ञानबहादुर बुढासैलीलाई उक्त परिणको गाजा सहित  पक्राउ गरेको हो ।  पक्राउ परेका सबैलाई  लागूऔषध नियन्त्रण ऐन, २०३३ बमोजिम कारबाही प्रक्रिया अघि बढाइएको जिल्ला प्रहरी कार्यालय मकवानपुरले जनाएको छ ।