आर्थिक बिकासका विषय पाठ्यक्रममा समावेश हुनुपर्छः सभामुख श्रेष्ठ

२१ साउन, हेटौँडा । प्रदेश नम्बर ३ का सभामुख सानुकुमार श्रेष्ठले समुदायलाई बिकासबारे सचेत गराउन बिद्यालय तहदेखिनै पठनपाठनको शुरुवात गरिनुपर्ने बताएका छन् । 
नगरस्तरीय बाल क्लब सञ्जाल हेटौंडाको आयोजनामा मकवानपुर बहस अन्र्तगत सम्पन्न संसदीय बहसमा सभामुख श्रेष्ठले यस्तो बताएका हुन् । बहस कार्यक्रमका बिजयीहरुलाई पुरस्कार प्रदान गर्दै उनले आर्थिक बिकासका विषयहरु विद्यालयस्तरीय पाठ्यक्रम समावेश हुनुपर्नेमा जोड दिए ।
बहसकर्ता नेपालका प्रतिनिधिहरुले सकजीकरण गरेको बहस कार्यक्रममा हेटौंडाका समुदायिक  तथा निजि विद्यालय गरी १६ बिद्यालयका विद्यार्थीहरुले सहभागिता जनाएका थिए ।
आइतबार र सोमबार समूहगत रुपमा भएको बहसमा सेमिफाइनलमा ८ र फाइनलमा ४ बिद्यालयहरु छानिएका थिए । सोमबार भएको फाइनल बहसमा महेन्द्र किरण माबि बिजेता भयो । यस्तै प्रगति माबि दोस्रो, बालबोध माबि तेस्रो र जनप्रिय माबि सान्त्वना भए । 
यसैगरि बहसमा सहभागि विद्यार्थीहरुबाट उत्कृष्ट बक्ताहरुमा नविना गौतम प्रथम, एन्जल सत्याल द्धितिय र ममता अवस्थी तृतिय हुन सफल भएको बहसकर्ताका प्रतिनिधी सुसन बिश्वकमाले जानकारी दिए ।
जिल्ला बाल क्लब सञ्जालको समन्वय तथा क्लासिक ग्रुपको प्राबिधिक सहयोगमा सम्पन्न मकवानपुर बहस कार्यक्रममा बालबालिका बिच संसदमा जस्तै सरकार र प्रतिपक्षको भुमिकामा विभिन्न समसामयिक बिषयहरुमा बहस चलाइएको थियो । 
नगर बाल क्लब सञ्जाल हेटौंडाकी अध्यक्ष लक्ष्मी भण्डारीको सभाध्यक्षतामा भएको कार्यक्रममा हेटौंडा उपमहानगरपालिकाका सामाजिक बिकास महाशाखा प्रबन्धक भिमप्रसाद तिमल्सिना, पत्रकार महासंघ मकवानपुरका अध्यक्ष हरि हुँमागाई, बहस कार्यक्रमका निर्णायक बिनोद खत्री, तथा बिभिन्न बालक्लबका प्रतिनिधी र विद्यार्थीहरुको सहभगिता रहेको थियो ।