नो पार्किङको  बिरोध                    

नो पार्किङको बिरोधमा उपमहानगरपालिकाको कार्यालयमा धर्ना दिदै व्यवसायीहरु

 २५ साउन, हेटौँडा । नो पार्किङको  विरोध  गर्दै आएका हेटौँडाका  व्यवसायी र हेटौँडा उपमहानगरपालिकाको विवाद चुलिदै गएको छ ।  उपमहानगरपालिकाले   हेटौंडा बजार क्षेत्रका अधिकांश स्थानमा  नो पार्किङ लागू गरेर  र  व्यवसायीलाई धराशायी बनाएको  आरोप लगिरहदा आन्दोलनरत  व्यवसायीले   सोमबार  हेटौँडा उपमहानगरपालिकाका प्रमुख  हरि बहादुर महतलाई  आफ्नो   पसलको साँचो  बुझाउने भएका छन् ।

हेटौँडा उपमहानगरपालिकाले व्यवसायीहरुको मागलाई वेवास्ता गरी नो पार्किङले लागु गरी व्यवसाय धरापमा पारेको र नो पार्किङलाई  हटाई छलफलको प्रक्रियामा जान  पटकपटक  गरेको आग्रह   उपमहानगरपालिकाका मेयर हरिबहादुर महतले बेवास्ता गरेको भन्दै मकवानपुर उद्योग वाणिज्य संघले आइतबार  सबै व्यवसायीबाट पसलको  साँचो  जम्मा गरेर  सोमबार बुझाउने निर्णय गरेको संघका कार्यवाहक अध्यक्ष माधव न्यौपानेले बताए । 
 । कार्यवाहक अध्यक्ष  न्यौपानेले  दुई तिन  दिन देखी हेटौँडा बजार बन्द गरी  दबाब दिंदा पनि मेयर महत  नो पार्किङ नहटाउने अडान गरेपछि बाध्य भएर व्यवसायीको पसलको साँचो   मेयरलाई बुझाउने निर्णय गरेको  बताए ।  हेटौँडा उपमहानगरपालिकाले बजार क्षेत्रमा नो पार्किङ कायम गरेपछि  मउवासंघको नेतृत्वमा  केही दिन देखी हेटौँडा बजारका व्यवसायी  आन्दोलनमा  उर्तेका छन् । मउवासंघको नेतृत्वमा गएको टोलीले  हिजो बिहिबार नो पार्किङको  विरोधमा मेयर महत र प्रजिअ आस्मान तामाङलाई ज्ञापनपत्र बुझाएका थिए । टोलीले शुक्रबार उपमहानगरपालिकालको कार्यालयमा धर्ना दिएका थिए ।